إعدادات العرض
Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã
Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã
Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame: «Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã: yaa taoor soab sẽn yaa tẽeg tɩrga, la rasãng sẽn yik Wẽnd tũudum pʋgẽ, la rao sũur sẽn yag ne miisa, la neb a yiib sẽn bʋ taab nonglem Wẽnd yĩnga, n tigim taab A nonglemã zugu n leb n welg taab A nonglemã zugu, la raoa pag sẽn tar ziir la neerem sẽn bool-a, t'a yeele: ad mam zoeta Wẽnde, la ned sẽn na n maan sãra n solge, halɩ tɩ yẽ goabga ka mi rɩtgã sẽn kõtã ye, la ned sẽn be a yembre, n tẽeg Wẽnd yelle, t'a nintãmã kiigi».
الترجمة
العربية Tiếng Việt অসমীয়া Bahasa Indonesia Nederlands Kiswahili Hausa සිංහල English ગુજરાતી Magyar ქართული Română Русский Português ไทย తెలుగు मराठी دری Türkçe አማርኛ বাংলা Kurdî Malagasy Македонски Tagalog ភាសាខ្មែរ Українська ਪੰਜਾਬੀ پښتوالشرح
Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kiba-noogo, tɩ kõbg a yopoe sẽn yi sɩd-kõtbẽ wã, Tɩ Wẽnd na n kẽes-ba A Al-ʿaršã Maasem pʋgẽ, raar ning maasem sẽn ka be rẽnd a Maasmã: Rẽenem: yaa taoor soab sẽn tẽeg tɩrga, a mengẽ, n ka faasɩk ye, n yaa tẽeg tɩrg soaba ne a nebẽ n ka wẽgd ye, la yaa ned ning naam sẽn yaa na-kãsengã, la b kelled n lagema ne yẽ, ned fãa sẽn lʋɩ lɩslaambã yell taoore, n tẽeg tɩrg a pʋgẽ. Yiib soaba: yaa rasãng sẽn yik Wẽnd tũudumã pʋgẽ, n rɩk a rasãndlemã fãa la a yĩn-yẽegrã fãa tũudmã pʋgẽ, halɩ n tʋg n maan kaalem yel-kãngã zugu. Tãab soaba: yaa rao sũur sẽn yag ne misa, a sã n yi misrẽ wã, a sũurã be beenẽ halɩ t'a wa lebg n kẽng beenẽ, a sẽn nong la a sẽn yag ne misrã keelem, t'a sũurã ket n be misrẽ wã, baa t'a yĩngã sã n wa be misrã yɩnga. Naas soaba: yaa neb a yiib sẽn bʋ taab nonglem Wẽnd yĩnga, n kell n duum ne dĩinã nonglem, b ka wãag-a ne dũni yεl ye, zem tɩ b tigima taab ne b yĩngã maa b yiibã welga taab la yaa b sũyã n be ne taaba, n tall woto tɩ kũum wa welg-b ne taaba. Nu soaba: la raoa pag sẽn tar yẽgr la zɩslem la buud la arzεk la neerem sẽn bool-a t'a wa maan yel-beedã, tɩ nedã tõdg la a yeel-a: ad mam zoeta Wẽnde. Yoob soaba: la ned sẽn na n maan sãra bilfu maa wʋsgo, n ka maan tɩ b yã ye, halɩ tɩ yẽ goabga ka mi rɩtgã sẽn kõtã ye. Yopoe soaba: yaa rao sẽn tẽeg Wẽnd yʋʋrã, ne a sũurã maa a zelemdã, la yaa zĩig sẽn welg tɩ ned ka be, t'a nin-tamã kiigi, rabeem la Wẽnd zɩsgr keelem (A Naam zẽk yã).فوائد الحديث
Wilgda kõbg a yopoe wã b sẽn togsã yɩɩdlem la b pirsdame tɩ b tik-ba.
A ɭbn Hagar (Wẽnd na yols-a) a yeela a koεεgã pʋgẽ a sẽn yeel tɩ: "t'a Maasmẽ wã" b yeelame t'a raabã yaa al-arsã maasmã, la sẽn wilgd rẽnda yaa a Salmaan hadiisã sẽn be Saɩɩd ɭbn Mansuur gafẽ wã, ne tikr sẽn yaa sõma, tɩ "neb a yopoe n be tɩ Wẽnd na n kẽes-b A Al-arsã maasẽm pʋgẽ".
A ɭbn Hagar yeelame: la b sẽn wek limaam sẽn tẽeg tɩrgã maana sẽn tʋg n yaa sõmã n yɩɩda, tɩ yaa sẽn pʋgda Wẽnd yellã, n ningd bũmbã fãa a zĩigẽ wã, tɩ ka tũ ne maan-tɩ-looge, ka tũ ne maan-tɩ-ka-ta, la b sẽn reng n togs taoor soabã, bala yẽ nafã wã n gũbg b fãa zãnga.
Wilgda kolleg Pʋʋsga poorẽ wã a yel-sõmdã sẽn ta to-to.
A An-nawawiy yeelame: bee hadiisã pʋga sẽn yaa pirisgu: tɩ b nong taab Wẽnd yĩnga, n leb n vẽnegd a yɩɩdlem la a zɩslem sẽn ta zĩig ninga.
B welga zĩira la neeremã, bala nebã tara yam-leoog wʋsg b yiibã pʋgẽ, la b yiibã paoong sẽn yaa toogã.
Sõma sẽn yɩɩd doaagẽ wã yaa solgre, yẽ n leb n yɩɩd zãagr ne maan-tɩ-b-yã, baa tɩ sã n mikame tɩ sãri kõo sor tɩ b tõe n vẽneg n maan sãra la zaka, tɩ sã n mikame tɩ maan-tɩ-b yã ka be ye, t'a soabã me sẽn maanã, yaa sẽn na pirs neb a taabã tɩ b yãk n nafe, la sẽn na leb n kɩt tɩ zẽng sen ka yẽnda tik yẽnda, n leb n yaa sẽn na vẽneg lɩslaangã tagmas-rãmba, woto ka tar yell ye.
Yaa tɩ bãmbã b yopoe wã, b paama neemã-kãngã, yaa neb sẽn pelg b pʋg ne Wẽnde, (A Naam zẽk yã) la b bas b mensã yamleoodo.
A sẽn yeel tɩ "neb a yopoe la Wẽnd na n kẽes maasmã pʋgẽ wã" b sẽn tek b sõorã woto wã, ka rẽ bal la b rat ye, la ad hadiis-rãmb a to wã sẽn togs neb nins Wẽnd sẽn na n kẽes-b a Maasmẽ wã, a waane sẽn ka kõbg-kãngã.
A ɭbn Hagare (Wẽnd na yols-a) a yeelame: sẽn togs tɩ rapã, a ka tar faseng ye, la ad pagbã fãa lagemda tʋʋm-kãesã pʋgẽ, b sẽn togs yεl ninsã, sã n ka mikame tɩ raabã ne Limaamã(taoor soabã) yaa kãsengã, naam ning sẽn yaa lɩslaambã fãa naamã, sã n ka rẽ, pag me tõe n kẽe beenẽ, a tõe n yaa koamb soaba, n tẽeg tɩrg a koambẽ. La pag yita misãẽ wã tablg pʋgẽ, bala pag Pʋʋsg a zakẽ wã yel-sõmd n yɩɩd misrẽ wã. La zẽng sẽn ka woto pagba lagema goamã pʋgẽ, halɩ n tʋg tãag paga naab sẽn yaa neer sẽn na bool-a t'a tõdg tɩ yaa Wẽnd yεεsg yĩnga (A Naam zẽk yã) n lagem ne a talmdã la a tʋlsmã.