فوائد الحديث

ప్రస్తావించబడిన ఏడు వర్గాల వ్యక్తులు పొందే గొప్ప పుణ్యాన్ని వివరించడం, అలాగే వారిని అనుసరించాలన్న ప్రేరణను ఇవ్వడం.

ఇబ్నె హజర్ రహిమహుల్లాహ్ తన వ్యాఖ్యలో "ఫీ దిల్లిహి (في ظله)" అన్న పదంపై ఇలా చెప్పారు: "ఇక్కడ అర్థం అల్లాహ్ యొక్క అర్ష్ (సింహాసనం) నీడ అని చెప్పబడింది." దీనికి సాక్ష్యంగా సల్మాన్ నుండి సయీద్ బిన్ మంసూర్ వద్ద ఉన్న హసన్ ఇస్నాద్ తో వచ్చిన హదీథు ఉంది: "ఏడు మంది అల్లాహ్ తన అర్జ్ నీడలో రక్షిస్తాడు."

ఇబ్నె హజర్ (రహిమహుల్లాహ్) యొక్క వివరణ: "అల్-ఆదిల్ (న్యాయవంతుడు)" అనే పదానికి అత్యుత్తమ వివరణ: "అల్లాహ్ ఆజ్ఞను అనుసరించి, ప్రతి విషయాన్ని సమతుల్యంగా (అతిగాకుండా, లోపించకుండా) దాని సరైన స్థానంలో ఉంచే వ్యక్తి." ఈ లక్షణాన్ని ప్రత్యేకంగా మొదటి స్థానంలో ప్రస్తావించడానికి కారణం: ఇది సార్వత్రికంగా ప్రయోజనకరమైనది.

ఒక నమాజు తరువాత మరొక నమాజు కొరకు వేచి ఉండటంలోని విశిష్ఠత

నవవి (రహిమహుల్లాహ్) ఇలా అన్నారు: "ఈ హదీథులో అల్లాహ్ కోసం పరస్పరం ప్రేమించడాన్ని ప్రోత్సహించడం ఉంది. మరియు దాని గొప్ప ఫలితం (ప్రాముఖ్యత) యొక్క వివరణ ఉంది."

"వంశం మరియు అందాన్ని ప్రత్యేకంగా ప్రస్తావించడంలో ఉద్దేశ్యం — మనుషులు వీటి కోసం అత్యంత ఆసక్తి చూపుతారు, వాటిని పొందాలనే తపన ఎక్కువగా ఉంటుంది,

అలాంటివి సాధించడం కూడా చాలా కష్టం."

దానం (సదఖా) చేయడంలో రహస్యంగా ఇవ్వడం ఉత్తమం, ప్రదర్శన (రియా) నుండి దూరంగా ఉండాలి. అయితే, దానం లేదా జకాత్‌ను బహిరంగంగా ఇవ్వడం కూడా షరీఅత్‌లో అనుమతించబడింది — అది ప్రదర్శన కోసం కాకుండా, ఇతరులను ప్రోత్సహించడానికి, వారు కూడా దానం చేయాలని ప్రేరణ కలిగించడానికి, ఇస్లాం ధర్మ చిహ్నాలను ప్రజల్లో చూపించడానికి అయితే, అది కూడా మంచిదే."

ఈ ఏడుగురు ధన్యులు అల్లాహ్ కోసం శుద్ధమైన నిష్కపటత (ఇఖ్లాస్)తో, తమ స్వీయ కోరికలకు (హవా) వ్యతిరేకంగా నడుచుకోవడం వల్ల ఆ పరమానందాన్ని (ప్రళయ దినంలో అల్లాహ్ నీడ) పొందారు.

ప్రవక్త సల్లల్లాహు అలైహి వసల్లం "ఏడుగురిని అల్లాహ్ తన నీడలో రక్షిస్తాడు" అని చెప్పడంలో ఈ సంఖ్య (ఏడు) మాత్రమే పరిమితి అని అర్థం కాదు. హదీథులో చెప్పిన ఈ వర్గాల కంటే

ఇంకా ఇతర వర్గాలవారు కూడా అల్లాహ్ అర్ష్ నీడలో రక్షణ పొందుతారు అని ఇతర హదీథులలో కూడా వచ్చింది.

ఇబ్నె హజర్ (రహిమహుల్లాహ్) ఇలా అన్నారు: ఈ హదీథులో "పురుషులు" అని ప్రస్తావించడంలో ప్రత్యేక అర్థం లేదు; ఇక్కడ చెప్పిన మంచి కార్యాలలో, స్త్రీలు కూడా పురుషులతో సమానంగా భాగస్వాములే. కేవలం "న్యాయపాలకుడు" (ఇమామ్ అద్దల్) అన్నప్పుడు "అత్యున్నత పదవిలో ఉన్న పాలకుడు" అనే అర్థం ఉంటే తప్ప, లేదా ఒక మహిళ తన కుటుంబాన్ని న్యాయంగా పాలిస్తే ఆమె కూడా ఈ వర్గంలోకి వస్తుంది. "మస్జిద్‌లో ఎక్కువగా ఉండే వ్యక్తి" అన్న విషయాన్ని మినహాయించాలి, ఎందుకంటే మహిళకు తన ఇంట్లోనే నమాజు చేయడం మస్జిద్‌లో చేయడానికంటే ఉత్తమం. ఇతర అన్ని లక్షణాల్లో మహిళలు కూడా పురుషులతో సమానంగా ఈ ప్రతిఫలానికి అర్హులు. అదే విధంగా, "ఒక మహిళ పాపానికి పిలిచినప్పుడు పురుషుడు తిరస్కరించడం" అన్న విషయాన్ని మహిళలకూ వర్తింపజేయవచ్చు — ఉదాహరణకు, ఒక మహిళను ఒక అందమైన రాజు పాపానికి పిలిచినప్పుడు, ఆమె అల్లాహ్ భయంతో తిరస్కరించడాన్ని కూడా ఇందులో చేర్చవచ్చు.