إعدادات العرض
Sẽn suud fãa yaa haraam
Sẽn suud fãa yaa haraam
Yii a Abɩɩ Bʋrda nengẽ, tɩ yii a baaba nengẽ, a Abɩɩ Muusa Al-ašʿariy nengẽ (Wẽnd yard be a yĩnga) a yeelame: Tɩ ad Nabiyaamã (Wẽnd pʋʋsg la A tɩlgr be a yĩnga) a tʋms-a lame n tʋg Yamane, t'a sok-a bõn-yũudi b sẽn maan beenẽ, la a yeelre: yaa bõe? T'a yeele yaa: « Al-bit'ʋ la Al-mizr», la b soka a Abɩɩ Bʋrda Bit'ʋ yaa bõe? La a yeelre: yaa sɩɩd kõgb, la Mizr yaa sa'ɩɩr ki kõgb», tɩ Nabiyaamã yeele: «Sẽn suud fãa yaa haraam» a Al-Bʋhaariy n togs-a. La a Muslim togsa hadiisã la a gom-bilã, a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) tʋma maam la a Mu'aaz n tʋg Yamane, tɩ mam yeele: Wẽnd Tẽn-tʋʋmã! Ad bõn-yũudi la b maan tõnd tẽngẽ wã, tɩ b boond-a tɩ Al-mizar la yaa sa'ɩɩr ki la b maan ne yẽ, la bõn-yũudi a to n be tɩ b boond-a tɩ Al-bit'ʋ, sẽn yit sɩɩdẽ, t'a yeele: «Sẽn suud fãa yaa haraam». La togsg a to n be a Muslim nengẽ:« t'a yeele: bũmb fãa sẽn su n yi Pʋʋsgã yẽ yaa haraam». La toagsg a to pʋgẽ: «Wẽnd Tẽn-tʋʋmã rag n yɩɩme tɩ Wẽnd lok-a-la gom-tigimdi minim, t'a yeele: a gɩdgame n yi bõn-suudi fãa, sẽn su tɩ f ka tõe n pʋʋse».
الترجمة
العربية Español አማርኛ English اردو Indonesia বাংলা Français Türkçe Русский Bosanski සිංහල हिन्दी 中文 فارسی Tiếng Việt Tagalog Kurdî Hausa Português മലയാളം తెలుగు Kiswahili தமிழ் မြန်မာ ไทย Deutsch پښتو অসমীয়া Shqip Nederlands ગુજરાતી Кыргызча नेपाली Lietuvių دری Српски тоҷикӣ Kinyarwanda Magyar Čeština Malagasy Oromoo ಕನ್ನಡ Wolof Azərbaycan O‘zbek Українська ქართული Македонски ភាសាខ្មែរ Bambara ਪੰਜਾਬੀ मराठी Kirundi Kurmancî Bahasa Melayuالشرح
A Abʋʋ Muusa Al-ašʿariy kõta kibare (Wẽnd yard be a yĩnga), tɩ Nabiyaamã (Wẽnd pʋʋsg la A tɩlgr be a yĩnga) tʋm-a lame n tʋg Yamane, tɩ yẽ sok-a bõn-yũudi b sẽn maand Yamane, t'a yaa haraam bɩɩ? Tɩ Nabiyaamã (Wẽnd pʋʋsg la A tɩlgr be a yĩnga) sok-a a sẽn yaa to-to. T'a Abʋʋ Muusa Al-ašʿariy (Wẽnd yard be a yĩnga) a yeele: ad b boond-a lame tɩ Al-bit'ʋ, sẽn yaa sɩɩd kõgbo, la Al-mizr sẽn yaa sa'ɩɩr ki kõgbo. Tɩ Nabiyaamã (Wẽnd pʋʋsg la A tɩlgr be a yĩnga) yeele, la a rɑ yɩɩme tɩ Wẽnd kõ-ɑ-lɑ goam-koees sẽn tigime bãngre: «Sẽn suud fãa yaa haraam».فوائد الحديث
An-nabɩɩz, ( kõgbã): yẽ la koom ning b sẽn põnegd tamarʋ wã maa sɩɩdã maa sa'ɩɩr ki wã ɑ pʋgẽ la sẽn wõnd rẽnda; t'a rɩk a noorã la a noomã, la ɑ tõoeme n wa lebg rãam, n lebg bũmb sẽn suudi.
Hadiisã, a yaa zeng-raoog n wilgd tɩ yεl nins sẽn suudã fãa yaa haraam, wala rãam la dorg la sẽn wõnd rẽnda.
Wilgdame tɩ sõmbame tɩ b sok n bãng bũmb ning lɩslaam sẽn tar tʋlsem ne wã.
Rãamã rẽenem b sẽn na n gɩdg-a wã, yaa Pʋʋsga wakat sasa, wakat ning sahaabsã sãndã sẽn wa n karem b Pʋʋsgã pʋgẽ, n tudg wʋsg b karengẽ wã, tɩ Wẽnd koεεgã sik n yeele: {Yãmb neb nins sẽn kõ sɩd ne Wẽnde, ra-y pẽneg-y Pʋʋsgã, tɩ yãmb yaa sẽn su ye, halɩ tɩ y wa mi y sẽn yet bũmb ningã} [An-Nisaa: 43], tɩ Wẽnd Tẽn-tʋʋm (Wẽnd pʋʋsg la A tɩlgr be a yĩnga) tʋm mõondã t'a boond n togsdẽ tɩ: ned sẽn su fãa ra pẽneg Pʋʋsgã ye. Rẽ poorẽ, Wẽnd gɩdg a yũubã zãnga, ne A koεεg sẽn yeele: {Yãmb a sɩd-kõtbã! Ad rãamã la tεntεεgã la rʋb-kugã la tẽn-kugã, yaa rẽgd sẽn yaa a Sʋɩtãan tʋʋma, bɩ y zãag-ba, sãnde y na tɩlge.90, Ad a Sʋɩtãan tʋllame n na n kẽes beem la gẽeg yãmb sʋka, rãamã la tεntεεgã pʋgẽ, la a gɩd yãmb n yi Wẽnd yʋʋrã tẽegre la Pʋʋsgã, la rẽ yĩnga yãmb nɑ n basame bɩɩ?) [Al-Maa'ɩda: 90,91].
Wẽnde (A Naam yɩ wagell n zẽke), A gɩdga rãamã yũubu, ne a sẽn gũbg yεl sẽn yaa sãang wʋsgo.
Yellã bilã gɩdgrã pʋgẽ yaa suubã sẽn wat n be beenẽ; rẽnd bõn-kõgdɩ wã b sã n wa sɩf-a t'a suudame yẽ lebgda haraam, la a sã n ket n ka suuda, rẽnd sakdame tɩ b yũ-a.