فوائد الحديث

ဘဝတာဝန်များ ထမ်းဆောင်ရမည့် လူသားအား ကုန်သည်တစ်ဦးနှင့် ပမာပေးခိုင်းနှိုင်းထားပြီး ကျန်းမာခြင်းနှင့် အားလပ်ချိန်ကို အရင်းအနှီးနှင့် ပမာပေးခိုင်းနှိုင်းထားသည်။ ထို့ကြောင့် မိမိ၏အရင်းအနှီးကို အကောင်းဆုံးအသုံးချသူသည် အမြတ်အစွန်း ရရှိပြီး အရင်းအနှီးကို ဖြုန်းတီးပစ်သူသည် ဆုံးရှုံးနစ်နာမှုနှင့် နောင်တတရားနှင့် ရင်ဆိုင်ရမည် ဖြစ်သည်။

အိဗ်နု ခါဇင်က ဆိုသည်- နိအ်မသ်ကျေးဇူးတော်ဆိုသည်မှာ လူသားတစ်ဦး ချမ်းသာသုခ ခံစားရပြီး နှစ်သက်မြတ်နိုးသည့် အရာများဖြစ်သည်။ ဂဗ်န် (ဆုံးရှုံးနစ်နာခြင်း) ဆိုသည်မှာ တန်ဖိုးထက် ဆပေါင်းများစွာ ပေး၍ဝယ်ခြင်း သို့မဟုတ် တန်ဖိုးအောက် လျှော့၍ရောင်းခြင်းမျိုးဖြစ်သည်။ မည်သူမဆို ကိုယ်ခန္ဓာကျန်းမာ၍ လုပ်ငန်းခွင်များမှ အနှောင့်အယှက်ကင်းကာ အားလပ်ချိန်ရှိသော်လည်း မိမိ၏တမလွန်ဘဝ ကောင်းမွန်ရေးအတွက် မကြိုးပမ်းခဲ့လျှင် ထိုသူသည် အရောင်းအဝယ်တွင် ဆုံးရှုံးနစ်နာသူနှင့် တူသည်။

အလ္လာဟ်အရှင်မြတ်ထံ ချဉ်းကပ်ရန်နှင့် ကောင်းမှုကုသိုလ်များ ပြုလုပ်ရန်အတွက် ကျန်းမာခြင်းနှင့် အားလပ်ချိန်မှ အကျိုးရယူခံစားရန် မက်ဆန္ဒထားခြင်း။

အလ္လာဟ်အရှင်မြတ်၏ နိအ်မသ်ကျေးဇူးတော်များအတွက် ကျေးဇူး

ဆပ်ခြင်းသည် ယင်းနိအ်မသ်ကျေးဇူးတော်များကို အလ္လာဟ်အရှင်မြတ်၏ နာခံမှု၌ အသုံးချခြင်းပင် ဖြစ်သည်။

ကွာဿွီအဗူဘကရ် အိဗ်နုလ်အရဗီက ဆိုသည်- ဗန္ဒဟ်ကျေးကျွန်တစ်ဦးအပေါ်၌ရှိသော အလ္လာဟ်အရှင်မြတ်၏ပထမဦးဆုံး နိအ်မသ်ကျေးဇူးတော်သည် မည်သည့်အရာဖြစ်သည်ကို ပညာရှင်များကြား၌ ကွဲလွဲမှုရှိသည်။ အချို့က အီမာန်ယုံကြည်ခြင်းဟု ဆိုကြပြီး၊ အချို့က ဘဝသက်တမ်းဟု ဆိုကြကာ၊ အချို့က ကျန်းမာခြင်းဟု ဆိုကြသည်။ ပထမအဆို (အီမာန်) သည် ပို၍ သင့်လျော်သည်။ အကြောင်းမှ ၎င်းသည် ပကတိ နိအ်မသ်ကျေးဇူးတော် ဖြစ်သည်။ ဘဝသက်တမ်းနှင့် ကျန်းမာခြင်းတို့မှာမူ လောကီနိအ်မသ်ကျေးဇူးတော်များသာ ဖြစ်ကြသည်။ ၎င်းတို့သည် အီမာန်နှင့် တွဲဖက်မှသာ စစ်မှန်သော နိအ်မသ်ကျေးဇူးတော် ဖြစ်လာသည်။ ထိုအခါမျိုး၌ ဤနိအ်မသ်ကျေးဇူးတော်နှစ်ပါးတွင် လူအများအပြား ဆုံးရှုံးနစ်နာကြရခြင်း ဖြစ်သည်။ ဆိုလိုသည်မှာ သူတို့၏ အမြတ်အစွန်းများ ကုန်ဆုံးသွားခြင်း သို့မဟုတ် လျော့နည်းသွားခြင်းပင် ဖြစ်သည်။ မည်သူမဆို မကောင်းမှုကို ညွှန်ကြားတတ်ပြီး သက်သောင့်သက်သာနှင့် အနားယူခြင်းဘက်သို့ ဆွဲငင်တတ်သော နဖ်စ် (စိတ်အစဉ်)၏အလိုကို လိုက်နာပြီး၊ အလ္လာဟ်အရှင်မြတ်၏ ပညတ်ချက်များကို ထိန်းသိမ်းစောင့်ရှောက်ခြင်းနှင့် ဝတ်ပြုကိုးကွယ်မှုများကို အမြဲတစေလုပ်ဆောင်ခြင်းတို့ကို လစ်လျူရှုခဲ့လျှင် ထိုသူသည် ဆုံးရှုံးနစ်နာသူ ဖြစ်သည်။ထို့အတူ အားလပ်ချိန်များ ရရှိပါလျက်နှင့် အကျိုးမယူခဲ့လျှင်လည်း ဆုံးရှုံးနစ်နာသူပင် ဖြစ်သည်။ အလုပ်ရှုပ်နေသူမှာ အလုပ်ရှုပ်နေခြင်း၏ အကြောင်းပြချက် (ဥပမာ- အိမ်ထောင်မှု၊ အလုပ်တာဝန်များ) ရှိတတ်ပြီး ထိုအကြောင်းပြချက်ဖြင့် သူ့အား အပြစ်မှ လွတ်ငြိမ်းခွင့် ရနိုင်သည်။