إعدادات العرض
“အလ္လာဟ်အရှင်မြတ်၏ လမ်းတော်(ဂျိဟာဒ်ပြုခြင်း)၌ သင်သုံးစွဲခဲ့သော ဒီနာရ်(ရွှေဒင်္ဂါး)တစ်ပြား၊ ကျွန်တစ်ဦးကို…
“အလ္လာဟ်အရှင်မြတ်၏ လမ်းတော်(ဂျိဟာဒ်ပြုခြင်း)၌ သင်သုံးစွဲခဲ့သော ဒီနာရ်(ရွှေဒင်္ဂါး)တစ်ပြား၊ ကျွန်တစ်ဦးကို လွတ်မြောက်ရန် သင်သုံးစွဲခဲ့သော ဒီနာရ်တစ်ပြား၊ ဆင်းရဲသားတစ်ဦးအား စွဒ်ကဟ်အလှူဒါနအဖြစ် သင်ပေးခဲ့သော ဒီနာရ်တစ်ပြားနှင့် သင့်မိသားစုအတွက် သင်သုံးစွဲခဲ့သော ဒီနာရ်တစ်ပြားတို့အနက် အကျိုးကုသိုလ်အကြီးမားဆုံးမှာ သင့်မိသားစုအတွက် သင်အသုံးပြုခဲ့သော ဒီနာရ်ပင်ဖြစ်သည်။”
အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်။ “အလ္လာဟ်အရှင်မြတ်၏ လမ်းတော်(ဂျိဟာဒ်ပြုခြင်း)၌ သင်သုံးစွဲခဲ့သော ဒီနာရ်(ရွှေဒင်္ဂါး)တစ်ပြား၊ ကျွန်တစ်ဦးကို လွတ်မြောက်ရန် သင်သုံးစွဲခဲ့သော ဒီနာရ်တစ်ပြား၊ ဆင်းရဲသားတစ်ဦးအား စွဒ်ကဟ်အလှူဒါနအဖြစ် သင်ပေးခဲ့သော ဒီနာရ်တစ်ပြားနှင့် သင့်မိသားစုအတွက် သင်သုံးစွဲခဲ့သော ဒီနာရ်တစ်ပြားတို့အနက် အကျိုးကုသိုလ်အကြီးမားဆုံးမှာ သင့်မိသားစုအတွက် သင်အသုံးပြုခဲ့သော ဒီနာရ်ပင်ဖြစ်သည်။”
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Hausa Kurdî Tiếng Việt অসমীয়া Nederlands Kiswahili සිංහල ગુજરાતી Magyar ქართული Română Português ไทย తెలుగు मराठी دری አማርኛ Malagasy Македонски ភាសាខ្មែរ Українська ਪੰਜਾਬੀ Wolof پښتو Moore Svenska മലയാളം தமிழ் ಕನ್ನಡالشرح
တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် လှူဒန်းသုံးစွဲမှု အမျိုးအစားအချို့ကို ဖော်ပြရာတွင် “အလ္လာဟ်အရှင်မြတ်၏လမ်းတော်၌ ဂျိဟာဒ်ပြုခြင်းတွင် သင်အသုံးပြုခဲ့သော ဒီနာရ်တစ်ပြား၊ ကျေးကျွန်တစ်ဦးဦးအား သူကောင်းပြုရာတွင် သင်အသုံးပြုခဲ့သော ဒီနာရ်တစ်ပြား၊ လိုအပ်နေသော ဆင်းရဲသားတစ်ဦးအား စွဒ်ကဟ်အလှူဒါနအဖြစ် သင်ပေးခဲ့သော ဒီနာရ်တစ်ပြားနှင့် သင်၏ဇနီးနှင့် သားသမီးများအတွက် သင်အသုံးပြုခဲ့သော ဒီနာရ်တစ်ပြား” ဖြစ်သည်ဟု မိန့်ကြားတော်မူခဲ့သည်။ ထို့နောက် ၎င်းတို့အနက် အလ္လာဟ်အရှင်မြတ်ထံတွင် အကျိုးကုသိုလ်အကြီးမားဆုံးမှာ သင့်အပေါ်တွင် သုံးစွဲရန်တာဝန်ရှိသော သင်၏မိသားစုဝင်များအတွက် သင်အသုံးပြုခဲ့သော ဒီနာရ်ဖြစ်ကြောင်း မိန့်ကြားတော်မူခဲ့သည်။فوائد الحديث
အလ္လာဟ်အရှင်မြတ်၏လမ်းတော်၌ သုံးစွဲလှူဒါန်းရမည့် လမ်းကြောင်းများစွာရှိကြောင်း ဖော်ပြထားခြင်း။
သုံးစွဲရမည့်ကဏ္ဍတွင် အပြိုင်အဆိုင်ဖြစ်ပေါ်လာလျှင် ဦးစားပေးရမည့်အရာကို တင်ပြထားသည်။ ထိုအထဲတွင် အားလုံးအတွက်တပြိုင်နက်တည်း မသုံးစွဲနိုင်သည့်အခါမျိုးတွင် မိသားစုအတွက် ဦးစားပေးသုံးစွဲရမည်။
အိမာမ်နဝဝီက စွဟီးဟ်မွတ်စ်လင်မ်ကျမ်း၏ ရှင်းလင်း
ချက်တွင် မိန့်ဆိုသည်မှာ- (ဤဟဒီးစ်တွင်) မိသားစုအတွက် သုံးစွဲရန် တိုက်တွန်းထားခြင်းနှင့် ၎င်း၏ ကြီးမားသောအကျိုးကျေးဇူးကို ရှင်းလင်းဖော်ပြထားသည်။ အကြောင်းမှာ ထိုသူတို့တွင် ဆွေမျိုးတော်စပ်မှုကြောင့် သုံးစွဲရန်တာဝန်ရှိသူများ၊ အချို့မှာ စွဒ်ကဟ်လှူဒါန်းမှုအနေဖြင့်သော်လည်းကောင်း၊ ဆွေမျိုးအဆက်အသွယ်ထားသည့်အနေဖြင့်သော်လည်းကောင်း မိမိဆန္ဒအလျောက် သုံးစွဲရမည့်သူများ၊ အချို့မှာ အိမ်ထောင်ပြုခြင်း သို့မဟုတ် ကျွန်အဖြစ်ပိုင်ဆိုင်ခြင်းကြောင့် သုံးစွဲရန် တာဝန်ရှိသူများ ရှိသည်။ ဤအရာအားလုံးသည် မြင့်မြတ်သော၊ တိုက်တွန်းအပ်သော ကောင်းမှုဖြစ်ပြီး ဆန္ဒအလျောက် လှူဒါန်းသုံးစွဲခြင်းထက် သာလွန်ကောင်းမွန်သည်။
အိမာမ်ဆင်န်ဒီက မိန့်ကြားသည်မှာ- "မိမိ၏ မိသားစုအတွက် သုံးစွဲသော ဒီနာရ်တစ်ပြား" ဟူသော ကိုယ်တော်မြတ်၏မိန့်ကြားချက်ရဲ့ အလိုသဘောမှာ - အကယ်၍ ထိုသူသည် အလ္လာဟ်အရှင်မြတ်၏ နှစ်သက်မှုကို ရည်စူးပြီး မိသားစု၏အခွင့်အရေးကို ပေးအပ်ရန်ရည်ရွယ်ပြီး သုံးစွဲခြင်းဖြစ်သည်။
အဘူကလာဗဟ်က မိန့်ကြားသည်မှာ- "မိမိ၏ ငယ်ရွယ်သောမိသားစုဝင်များအတွက် သုံးစွဲပြီး သူတို့ကို အကျင့်ပျက်ယိုယွင်းခြင်းမှ ကာကွယ်ပေးကာ အလ္လာဟ်အရှင်မြတ်သည် ၎င်း၏အကြောင်းခံဖြင့် သူတို့ကို အကျိုးဖြစ်ထွန်းစေပြီး ချမ်းသာကြွယ်ဝစေလျှင် ထိုလူထက်ပို၍ အကျိုးကုသိုလ်ကြီးမားစွာ ရရှိသူ မည်သူရှိမည်နည်း။