إعدادات العرض
रसूल (सल्लल्लाहु अलैहि वसल्लम) ले मलाई तशह्हुद सिकाउनुभयो जसरी उहाँले मलाई कुरानको सुरह सिकाउनुहुन्थ्यो
रसूल (सल्लल्लाहु अलैहि वसल्लम) ले मलाई तशह्हुद सिकाउनुभयो जसरी उहाँले मलाई कुरानको सुरह सिकाउनुहुन्थ्यो
अब्दुल्लाह बिन मसऊद (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले मलाई तशह्हुद सिकाउनुभयो जसरी उहाँले मलाई कुरानको सुरह सिकाउनुहुन्थ्यो । त्यतिबेला मेरो हत्केला उहाँको दुवै हत्केलाहरूको बीचमा थियो : ‘अत्तहिय्यातु लिल्लाहि वस्सलवातु वत्तैयिबातु, अस्सलामु अलैक अय्युहन्नबिय्यु वरह्-मतुल्लाहि व बरकातुहु, अस्सलामु अलैना व अला इबादिल्ला हिस्सालिहीन्, अश्हदु अल्ला इलाह इल्लल्लाहु व अश्हदु अन्न मुहम्मदन् अब्दुहू व रसूलुह् ।’ बुखारी र मुस्लिमको अर्को हदीसमा यसरी छ : "वास्तवमा, अल्लाह नै सलाम (शान्ति) हुनुहुन्छ, त्यसैले जब तिमीहरू मध्ये कोही तशह्हुदमा बस्छ, उसले भनोस्: ‘अत्तहिय्यातु लिल्लाहि वस्सलवातु वत्तैयिबातु, अस्सलामु अलैक अय्युहन्नबिय्यु वरह्-मतुल्लाहि व बरकातुहु, अस्सलामु अलैना व अला इबादिल्ला हिस्सालिहीन् । (भक्तले यो पढेपछि उसको दुआ आकाश र पृथ्वीमा रहेका हरेक धर्मी सेवकहरूमा लागू हुनेछ) । अश्हदु अल्ला इलाह इल्लल्लाहु व अश्हदु अन्न मुहम्मदन् अब्दुहू व रसूलुह् ।’ त्यसपछि आफूले चाहेको दुआहरू गर्न सक्छ ।"
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी සිංහල ئۇيغۇرچە Hausa Português Kurdî Kiswahili Svenska Čeština ગુજરાતી አማርኛ Yorùbá Tiếng Việt ไทย پښتو অসমীয়া دری Кыргызча or Malagasy Kinyarwanda Română తెలుగు Lietuvių Oromoo മലയാളം Nederlands Soomaali Shqip Српски Українська Deutschالشرح
रसूल (सल्लल्लाहु अलैहि वसल्लम) ले अब्दुल्लाह बिन मस्उद (रजियल्लाहु अन्हु) लाई नमाजमा पढिने तशह्हुद सिकाउनुभयो । त्यसबेला उनको हात उहाँका दुवै हातको बीचमा थियो, ताकि उनको सम्पूर्ण ध्यान उहाँमा केन्द्रित होस् । उहाँले उनलाई कुरानको सुरह सिकाए झैँ तशह्हुद सिकाउनुभयो । अतः रसूल (सल्लल्लाहु अलैहि वसल्लम) तशह्हुदको शब्द र अर्थ दुबै सिकाउन ध्यान दिनुहुन्थ्यो । उहाँले भन्नुभयो: 'अत्तहिय्यातु लिल्लाहि' : आदर र सम्मानलाई जनाउने सबै भनाइ र कार्यहरू अल्लाहका लागि हुन् । 'अस्सलवातु' : फर्द र नफल सम्पूर्ण सलाह (नमाज) हरू अल्लाहका लागि हुन् । 'अत्तैयिबातु': पवित्रता र पूर्णतालाई संकेत गर्ने सबै भनाइ, कार्य र विशेषताहरू अल्लाह तआलाका लागि हुन् । 'अस्सलामु अलैक अय्युहन्नबिय्यु वरह्-मतुल्लाहि व बरकातुहु' : उहाँको लागि हरेक दु:ख र हानिबाट सुरक्षित हुन र सबै भलाइको वृद्धि र प्रशस्तताको लागि प्रार्थना हो । 'अस्सलामु अलैना व अला इबादिल्ला हिस्सालिहीन्' : सलाह पढ्ने व्यक्ति र आकाश तथा पृथ्वीका हरेक धर्मी सेवकहरूका लागि शान्तिको दुआ । 'अश्हदु अल्ला इलाह इल्लल्लाहु' : अल्लाह बाहेक कोही सत्य ईश्वर छैन भन्ने दृढ विश्वासका साथ स्वीकार गर्दछु । 'व अश्हदु अन्न मुहम्मदन् अब्दुहू व रसूलुह्' : उहाँ अल्लाहको दास र अन्तिम दूत हुनुहुन्छ भन्ने म स्वीकार गर्दछु । त्यसपछि नबी (सल्लल्लाहु अलैहि वसल्लम) ले सलाह पढ्ने व्यक्तिलाई आफूले चाहेको बिन्ती छनोट गर्न प्रोत्साहन दिनुभयो ।فوائد الحديث
प्रत्येक नमाजको अन्तिम सजदापछि र तीन तथा चार रकतमा दोस्रो रकत पछि तशह्दहुको लागि बस्नु पर्छ ।
तशह्दहुमा 'अत्-तहियात' पढ्नु वाजिब हो । रसूल (सल्लल्लाहु अलैहि वसल्लम) बाट प्रमाणित 'अत्-तहियात' का जुनसुकै शब्दहरू पढ्नु जायज हो ।
नमाजमा पापबाहेक आफूले चाहेको जुनसुकै दुआ गर्नु जायज हो ।
दुआ (प्रार्थना) गर्दा आफैबाट सुरुवात गर्नु मुस्तहब हो ।
التصنيفات
सलाह पढ्ने विधि