فوائد الحديث

د ښځو سره د ښه چلند د فضیلت بیان، او دا چې پر هغوی صبر کول او له تېروتنو یې تېرېدل یې تر وهلو څخه غوره دي.

الله تعالی وهل د سرغړونې د درملنې لپاره وروستی پړاو ټاکلی، او فرمایلي یې دي: (‌وَاللَّاتِي ‌تَخَافُونَ ‌نُشُوزَهُنَّ ‌فَعِظُوهُنَّ ‌وَاهْجُرُوهُنَّ ‌فِي ‌الْمَضَاجِعِ ‌وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا) [النساء: 34]، ( او تاسي چې دکومو ښځو له سرغړونې څخه اندېښمن یاست ، هغوی لومړی پوه کړئ بیا دخوب ځایونه ورڅخه جلا کړئ او بیا ویې وهئ نو که هغوی ستاسي فرمان برداري شي نو هغو ته دلاس غځونې لپاره بیځایه پلمې مه جوړوئ باور ولرئ چې له پاسه الله شته چې لوړ او لوی دی. دا درې مرحلې د ترتیب لپاره دي، نه دا چې ټولې یوځای وکارول شي؛ لومړی نصیحت، که ګټه یې وکړه ښه ده، که نه بیا خوب ځای جلا کول، او که بیا یې هم ګټه ونه کړه، نو سپک تأدیبي وهل، نه د غچ اخیستلو لپاره.

سړی په خپل کور کې سرپرست دی، نو باید خپله کورنۍ د حکمت او ښه نصیحت سره وروزي او سمبال یې کړي.

عالم ته د هغه د فتوا په اړه مراجعه کول جائز دي، تر څو یې پایلې او عواقب معلوم شي.

که چېرته هغه څوک زیانمن شي چې شکایت پرې شوی، نو امیر او یا عالم ته یې په اړه شکایت کول جائز دي.