فوائد الحديث

قرطبي ویلي: (په فضیلت کې) کې هغه نومونه هم له دې نومونو سره یو ځای کیږي چې د دوی په څېر وي لکه: عبد الرحیم، عبد الملک، عبد الصمد، او دا ځکه الله تعالی ته خوښ دي چې هغه معنا پکې ده چې پرې یادول د الله تعالی واجب حق دی او هغه چې انسان پرې باید یاد شي او د هغه د حال سره ملازم دی چې هغه بندګي ده، بیا د بنده نسبت رب ته شوی دی چې دا یو حقیقي نسبت دی، نو د دې پدې ترکیب سره دا صفتونه یې د خاوندانو سره ولګېدل او پرې عزتمن شول او فضیلت یې تر لاسه کړ، او نورو ویلي: پدې دوو نومونو اقتصار لدې امله شوی چې په قرآن کریم کې لدې پرته د الله تعالی بل نوم ته د بنده نسبت ندی شوی، الله تعالی فرمایلي: {وَأَنَّهُ ‌لَمَّا ‌قَامَ عَبْدُ اللَّهِ يَدْعُوهُ} او په یو بل آیت کې یې فرمایلي: {وَعِبَادُ ‌الرَّحْمَنِ} او د الله تعالی دا وینا یې هم تائیدوي: { ‌قُلِ ‌ادْعُوا ‌اللَّهَ أَوِ ادْعُوا الرَّحْمَنَ}.