موسوعة الأحاديث النبوية

إعدادات العرض

Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo

  1. الرئيسية
  2. Kinyarwanda
  3. Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi…

Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo

Hadith yaturutse kwa Ibun Mas'ud (Imana imwishimire)_ yaravuze ati: Intumwa y'Imana (Imana iyihe amahoro n'imigisha) yaravuze iti: "Mu ijoro nazamuwe mu ijuru (Is'ra-i) nahuye na Ibrahim maze arambwira ati: Yewe Muhamad, uzansuhurize abayoboke bawe indamutso y'amahoro, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo, kandi ko ijuru ari rigari riringaniye ritarimo ibiti, no kubiteramo ni ukuvuga aya magambo: SUBHANALLAH WAL HAMDULILLAH WALA ILAHA ILA LLAHU WALLAHU AKBARU: Ubutagatifu ni ubwa Allah, n'ikuzo n'ishimwe ni ibya Allah, kandi nta yindi mana ikwiye kugaragirwa uretse Allah, Imana isumba byose."

[Hadithi nziza ushingiye ku bandi bayakiriye] [Yakiriwe na Tirmidhiy]

حفظ

حفظ الحديث بصيغة PDF

الترجمة

العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල Nederlands অসমীয়া Tiếng Việt پښتو ગુજરાતી Română മലയാളം नेपाली Deutsch Кыргызча తెలుగు ქართული Moore Magyar Svenska Македонски ಕನ್ನಡ Українська

الشرح

Intumwa y'Imana (Imana iyihe amahoro n'imigisha) iravuga ko yahuye na Ibrahim umukunzi wa Allah, mu ijoro yazamuwe mu ijuru (Isra-i wal Mi'iradji), nuko arayibwira ati: Yewe Muhamadi ungereze indamutso y'amahoro ku bayoboke banjye, unababwire ko ijuru ari ryiza, ubutaka bwaryo ari bwiza, amazi yaryo ari urubogobogo atari urwunyunyu, kandi ko ijuru ari rigari riringaniye ritarimo ibiti, no kubiteramo ni ukuvuga aya magambo: SUBHANALLAH WAL HAMDULILLAH WALA ILAHA ILA LLAHU WALLAHU AKBARU: Ubutagatifu ni ubwa Allah, n'ikuzo n'ishimwe ni ibya Allah, kandi nta yindi mana ikwiye kugaragirwa uretse Allah, Allah asumba byose. Buri uko umuyisilamu ayavuze ndetse akayasubiramo atererwa igiti mu ijuru.

فوائد الحديث

Gushishikariza guhozaho gusingiza Allah kugira ngo nawe wongere ibiti utererwa mu ijuru ryawe.

Agaciro k'abayoboke b'Intumwa y'Imana (Imana iyihe amahoro n'imigisha); aho Intumwa y'Imana Ibrahim (Amahoro ya Allah amubeho) nawe yabifurije amahoro n'imigisha.

Gushishikariza kw'Intumwa y'Imana Ibrahim abayoboke b'Intumwa y'Imana Muhamadi (Imana imuhe amahoro n'imigisha) kurushaho gusingiza Allah Nyir'ubutagatifu.

Umumenyi A-Twibiy yaravuze ati: Ijuru ni rigari, hanyuma Allah kubera impuhwe ze yateganyije ko ibiti byaryo n'ingoro zaryo ari ibikorwa by'abemeramana, na buri mwemeramana arifitemo umwihariko kubera ibyo akora, hanyuma Allah Nyir'ubutagatifu ubwo yoroherezaga umuntu amushoboza gukora ibihuye n'ibyo yamuremeye mu bikorwa byari ukugirango abone biriya bihembo, yamugize nkaho ari we witerera biriya biti.

التصنيفات

Agaciro ko gusingiza Allah.