الشرح

මිනිසෙකු අල්ලාහ්ගේ දූතයාණන් -සල්ලල්ලාහු අලය්හි වසල්ලම්- තුමා වෙත පැමිණ, අල්ලාහ්ගේ දූතයාණනි! අයුතු ලෙසින් මාගේ ධනය පැහැර ගන්නට මිනිසෙකු මා වෙත පැමිණියේ නම් මම ඔහු සමග කටයුතු කළ යුත්තේ කෙසේ දැයි මට දන්වා සිටිනු යැයි පැවසීය. එවිට එතුමා: එය ඔහුට පිරිනොනමනු. යැයි පැවසූහ. අල්ලාහ්ගේ දූතයාණනි! ඔහු මා සමග සටන් වදින්නේ නම් ඔහු සමග මා කටයුතු කළ යුත්තේ කෙසේදැයි මට දන්වා සිටිනු යැයි පැවසීය. එවිට, ඔබේ ධනය ඔබ වළක්වා ගනු. එසේ වළක්වාලීම අරගලයක් දක්වා ගෙන ගියද. නමුත් ඔබ ආරම්භයේ සැහැල්ලුවෙන් කටයුතු කළේ නම් එය සැහැල්ලු වනු ඇත. උදාහරණ වශයෙන් ඔබ ආයාචනා කර සිටීම හෝ පොල්ලක් හෝ ආයුධයක ආධාරයෙන් බිය වැද්දීම වැන්නක් සිදු කරන්නාක් මෙනි. නමුත් ඔහු මගෙන් මිදී මා ඝාතනය කර දැමීමට අවස්ථාවක් උදා වූ විට මාගේ ගමන කුමක් වේවි දැයි විමසීය. ෂහීද් වරයකු ලෙස මිය ගිය තැනැත්තාට හිමි කුසල් ඔබට සතු වේ යැයි පැවසූහ. මට අවස්ථාවක් ලැබී මම මාගේ ධනය ආරක්ෂා කර ගනු පිණිස මම ඔහු මරා දැමුවේ නම් ඔහුගේ තත්ත්වය කුමක් වීද යැයි විමසීය. ඔහු, කරකියා ගත නොහැකි අයුරින් නිරයේ සිටියි. ඔහු එහි සදාතනිකව රැඳෙයි. හේතුව ඔහු දහමෙහි තහනම් කර ඇති බව දැන දැනම උවමනාවෙන්ම එය අනුමත කරගත් බැවිනි.