الشرح

پیاوێک هات بۆ لای پێغەمبەری خودا -صلى اللە علیە وسلم- ووتی: ئەی پێغەمبەری خودا، پێم بڵێ بۆم هەیە چیبکەم ئەگەر پیاوێک هات بۆ ئەوەى پارەکەم ببات بە ناهەق، فەرمووی: (پارەکەتی -سامانەکەتی- پێمەدە)، (پیاوەکە) ووتی: بۆم هەیە چیبکەم ئەگەر شەڕی دژم کرد؟، فەرمووی: بەرگری لە پارە وسامانەکەت بکە ئەگەرچیش تووشی شەڕ بوویت لە دژی، بەڵام سەرەتا دەبێت بە هۆکاری ئاسان وسادە دووری بخەیتەوە وەکو هاوار کردن وداواکردنی یارمەتی وترساندنی بە دار وتەقە لێکردنی بە شوێنێکدا جگە لە ئاراستەی ئەو، (پیاوەکە) ووتی: ئەگەر تواناى هەبوو ومنی کوشت، ئایا چارەنووسم بەرەو کوێ دەبێت؟ فەرمووی: تۆ پاداشتت وەکو پاداشتی شەهید دەبێت، پیاوەکە ووتی: ئەی ئەگەر من توانام هەبوو و بۆ بەرگری کردن لە ماڵ وسامانەکەم کوشتم، ئایا چارەنووسی ئەو بەرەو کوێ دەبێت؟ فەرمووی: ئەو لە دۆزەخ دەبێت بە پێی ویستی خواى گەورە ئەگەر دزی کردن بە حەڵاڵ نەزانێت، چونکە ئەگەر دزی کردن بە حەڵاڵ بزانێت ئەوا بە هەتاهەتایی لە دۆزەخ دەمێنێتەوە؛ چونکە ئەو شتێکی حەڵاڵ کرد کە زانراوە وئاشکرایە لە ئاینی ئیسلامدا حەرامە.