إعدادات العرض
ඔබේ ආහාරය ගන්නා විට ඔබ එක්රැස් වී අල්ලාහ්ගේ නාමය සිහිපත් කර ආහාරය ගන්න. එය ඔබට සමෘද්ධිමත් කරනු ලබනු ඇත
ඔබේ ආහාරය ගන්නා විට ඔබ එක්රැස් වී අල්ලාහ්ගේ නාමය සිහිපත් කර ආහාරය ගන්න. එය ඔබට සමෘද්ධිමත් කරනු ලබනු ඇත
වහ්ෂී ඉබ්නු හර්බ් (රළියල්ලාහු අන්හු) තුමා විසින් වාර්තා කරන ලදී: සැබැවින්ම ඔවුහු: 'අල්ලාහ්ගේ දූතයාණනි, අපි අනුභව කරන්නෙමු, නමුත් කුස පිරෙන්නේ නැත.' යැයි ඔවුහු පවසා සිටියහ. එතුමාණෝ: "ඔබ වෙන් වෙන්ව ආහාර ගන්නා විය හැක" යැයි පවසා සිටියහ. ඔවුහු: ''ඔව්." යැයි පිළිතුරු දුන්හ. ඉන්පසු එතුමාණෝ: "ඔබේ ආහාරය ගන්නා විට ඔබ එක්රැස් වී අල්ලාහ්ගේ නාමය සිහිපත් කර ආහාරය ගන්න. එය ඔබට සමෘද්ධිමත් කරනු ලබනු ඇත."
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt ئۇيغۇرچە Hausa Kurdî Magyar ქართული Kiswahili Română অসমীয়াالشرح
ඇතැම් සහාබාවරු නබි (සල්ලල්ලාහු අලයිහි වසල්ලම්) තුමාණන්ගෙන් ප්‍රශ්න කරමින් මෙසේ පවසා සිටියහ: සැබැවින්ම අපි ආහාර ගන්නෙමු. නමුත් බඩ පිරෙන්නේ නැත. එවිට නබි (සල්ලල්ලාහු අලයිහි වසල්ලම්) තුමාණෝ ඔවුනට මෙසේ පැවසූහ: "ඔබ ආහාර ගන්නා විට වෙන් වෙන්වී තනිව එකිනෙකා ආහාර ගන්නා විය හැක" ඔවුහු ''ඔව්." යැයි පිළිතුරු දුන්හ. එතුමාණෝ: ඔබ වෙන් නොවී එකට ආහාරය ගන්න. ආහාර ගන්නා විට, බිස්මිල්ලාහ් යැයි පවසා අල්ලාහ්ගේ නාමය සිහිපත් කර ආහාරය ගන්න. එය ඔබට සමෘද්ධිය ඇති කරනු ඇත.فوائد الحديث
එකට එක්වී ආහාර ගැනීම, ආහාර ගන්නා අවස්ථාවේ බිස්මි පැවසීම ආහාරය තුළ සමෘද්ධිය ඇති වීමට හා ආහාර ගැනීමෙන් පසු කුස පිරීමට හේතුවක් වනු ඇත.
සියලුම බෙදීම්, වෙන්වීම් නපුරුය. සියලුම එකට බැඳීම්, එක්රැස්වීම් යහපතය.
ආහාර ගන්නා අවස්ථාවේ එකට එකතු වී ආහාර ගැනීමට හා එහිදී බිස්මි පැවසීමට උනන්දු කිරීම.
අස්-සින්දී තුමා මෙසේ පවසයි: එකට එකතු වී ආහාර ගැනීමේ දී ආහාරවල අභිවෘද්ධිය ඇති වේ. උත්තරීතර අල්ලාහ්ගේ නාමය පවසා ආරම්භ කිරීමෙන් ආහාරය ගන්නා අවස්ථාවේ ඒ වෙත ෂෙයිතාන් පැමිණීමෙන් වළක්වනු ඇත.