الشرح

ෆාතිමා (රළියල්ලාහු අන්හා) තුමිය ඇඹරුම් ගලින් තමන් ලබන වෙහෙස ගැන නබි (සල්ලල්ලාහු අලයිහි වසල්ලම්) තුමාණන් වෙත පැමිණිලි කොට ඇයගේ පියා වන එතුමාගෙන් සේවකයකු ඉල්ලා සිටියාය. එවිට සල්ලල්ලාහු අලයිහි වසල්ලම් තුමා මෙසේ පැවසූහ: ‘එම සේවකයාට වඩා ශ්රේෂ්ඨ යමක් මම ඔබ දෙදෙනාට කියා දිය යුතු නොවේද! යැයි විමසූහ. පසුව මෙම අනුවාද වෙත ඔවුන් දෙදෙනාට මග පෙන්වූහ. එනම් සැබැවින්ම ඔවුන් දෙදෙනා ඔවුන් දෙදෙනාගේ නිදියහනට පැමිණි විට ඔවුන් දෙදෙනා නිදන්නට ගත් විට තිස්තුන් වරක් අල්ලාහ් ව සුවිශුද්ධ කරමින් තස්බීහ් කරන ලෙසත් අල්ලාහ්ව ප්රශංසා කරමින් තිස්තුන් වරක් තහ්මීද් ප්රකාශ කරන ලෙසත් අල්ලාහ්ව මහිමයට පත් කරමින් තිස් හතර වතාවක් තක්බීර් පවසන ලෙසත් මග පෙන්වූහ. පසුව සල්ලල්ලාහු අලයිහි වසල්ලම් තුමා මෙසේ පැවසූහ. මෙය එම සේවකයා ලබන්නට වඩා නුඹලා දෙදෙනාට උතුම් වන්නේය. ඒ අනුව මිනිසා නිදා ගැනීම සඳහා නිදියහනට ගිය විට තිස් තුන් වරක් තස්බීහ් පැවසීමත් තිස්තුන් වරක් තහ්මීද් පැවසීමත් තිස්හතර වරක් තක්බීර් පැවසීමත් -එය සියය පූර්ණ කරනු ඇත.- සුන්නා නබි පිළිවෙත වන්නේය. සැබැවින්ම එය ඔහු නින්දට යන විට අල්ලාහ්ව මෙනෙහි කරමින් නිදන්නාක් මෙන් මිනිසාගේ අවශ්යතා සපුරා ලන්නට එය උදව් වනු ඇත.