فوائد الحديث

सधैं यो दुआ पढ्नु मुस्तहब हो, किनकि अली (रजियल्लाहु अन्हु) ले नबीको यो वसीयत (दुआ) लाई कहिल्यै पनि छोडेनन्, यहाँसम्म सिफ्फीन(युद्ध)को रातमा पनि ।

यो दुआ केवल राती सुत्ने बेला पढिने हो । किनभने मुस्लिमको अर्को हदीसमा 'राती आफ्नो ओछ्यानमा सुत्ने बेला' उल्लेख गरिएको छ ।

यदि कुनै मुस्लिमले रातको सुरुमा यो दुआ पढ्न बिर्सियो र अन्तिम रातमा याद आयो भने त्यतिबेला पढ्दा केही फरक पर्दैन; किनभने अली (रजियल्लाहु अन्हु) ले पनि सिफ्फीनको रातमा सुरु रातमा दुआ पढ्न बिर्सेका थिए र याद आएपछि बिहान हुनु भन्दा अघि पढेका थिए ।

मुहल्लबले भने: मानिसले जसरी आफू दुनियाँमाथि आखिरतलाई प्राथमिकता दिन्छ त्यसरी आफ्नो परिवारलाई पनि सकेसम्म त्यसको शिक्षा दिनुपर्छ ।

इब्न हजर अल-अस्कलानीले भने: जसले पाबन्दीका साथ यो दुआ पढ्छ, उसलाई कामको प्रचुरताले नोक्सान हुने छैन, न त उसलाई गाह्रो हुनेछ, चाहे ऊ थकित भए पनि ।

अल-ऐनीले भने: 'दास भन्द राम्रो' को अर्थ भनेको यो दुआ परलोकसँग सम्बन्धित छ र दास यस संसारसँग, र परलोक पक्कै राम्रो र स्थायी छ । यसको अर्को मतलब के हो भने यो दुआमा दासले सेवा दिने शक्ति भन्दा बढी शक्ति यसमा छ ।