الشرح

Ipinababatid ni Ibnu Mas`ūd, malugod si Allah sa kanya, na sila noon ay nasa isang paglalakbay kasama ng Propeta, pagpalain siya ni Allah at pangalagaan. Pagkatapos ay umalis siya, pagpalain siya ni Allah at pangalagaan, upang tugunin ang tawaga ng kalikasan niya. Nakatagpo ang mga kasamahan ng isang ibong maliit na kasama ang dalawang anak nito. Kinuha nila ang dalawang anak nito kaya nagsimulang umaali-aligid ito sa paligid nila, gaya ng nakaugalian. Ang ibon kapag kinuha ang mga anak nito ay humarahang, umaaligid, at sumisigaw dahil sa pananbik sa mga anak nito. Nag-utos ang Propeta, pagpalain siya ni Allah at pangalagaan, na pawalan ang dalawang anak nito kaya naman pinawalan nila ang dalawang anak nito. Pagkatapos ay napadaan naman siya sa isang nayon ng mga langgam na sinunog. Nagsabi ang Propeta, pagpalain siya ni Allah at pangalagaan: "Tunay na walang nararapat na magparusa sa pamamagitan ng apoy kundi ang Panginoon ng apoy." Alinsunod dito, kapag mayroong langgam sa kinaroroonan mo, tunay na ikaw ay hindi magsusunog niyon. Maglalagay ka lamang ng anumang magtataboy rito gaya ng gas na isang uri ng likidong kilalang panggatong. Kapag ibinuhos mo ito sa lupa, ang mga langgam ay lalayo, ayon sa kapahintulutan ni Allah, at hindi babalik. Kapag hindi maiiwasan ang perhuwisyo nito malibang gumamit ng pamatay-kulisap na papatay ng tuluyan sa mga ito, walang masama roon dahil ito ay isang pagtataboy sa mga kapinsalaan ng mga ito. Ito ay gayong ang mga langgam ay kabilang sa ipinagbawal ng Propeta, pagpalain siya ni Allah at pangalagaan, na patayin ngunit kapag naman sinaktan ka na nito at walang kang pananggalang maliban pa sa pagpatay rito, walang masamang patayin ito.