الشرح

Kira b'an kibaruya nɛɛma ni kisi b'a ye: k'a fɔ sanuya bangenen bɛ kɛ ni seliji ni jànàbako de ye, seli sarati dɔ don A fɔli:" tànu bɛ Ala ye o bɛ sumalan fan" o ye sanuya màsa màjàmuli de ye, a n'a mankutuli ni dafalenya mankutuli ye, o bɛ suma kiyamadon a bɛ baaraw sumalan fa. A fɔli: "sanuya ni tànu bɛ Ala ye" o y'a sanuyali de ye ka bɔ nagasiko bɛɛ la a n'a mankutuli ni mankutudafalen ye o min bɛnnen bɛ a ka màsaya n'a kanuni n'a bonya ma, o bɛ sankolo ni dugukolo ɲɔgɔn cɛ fá. "Seli ye nɔɔrɔ ye" jɔn ye a dusukun na, an'a ɲɛda kan , an'a kaburu kɔnɔ ,an'a kunun don na. A fɔli: "saraka ye dalilu ye" dalilu don fana ka limaniyajɔn ka limaniya tuɲatigiya, a n'a faranfasili ka bɔ nafikiw la o min tɛ saraka di ka d'a kɛcogo kan a t'a ka lahidu fana bɔ a sira fɛ. A fɔli" sabali ye yeelen ye" - o ye yɛrɛbakun minɛli de ye ka bɔ funugɛlɛn ni dimin ma- yelen do funteni ni jenini bɛ sɛ ka sɔrɔ a nɔfɛ, i n'a fɔ tile yeelen; ka d'a kan a ka gɛlɛn a màgo bɛ jilaja la ani nin minɛli ka b'a diyaɲɛkow ma; nɔɔrɔ bɛ to sabali dùnge kan a kandalen tuɲasira kan tuma bɛɛ. O ye sabali de ye Alabato kan, ani ka bɔ Alasɔsɔ la, ani sabali baasikow kan ani kojugu nɔɔniyaw duniya kɔnɔ. A fɔli ko " kurana ye dalilu ye i ye" o y'a kalanni n'a baarali de ye, wali " dalilu i kan" o y'a toli de ye i m'a kalan wali i ma baara kɛ n'a ye. O kɔfɛ a ye kibaruyali kɛ kisi b'a ye ka fɔ mɔgɔw bɛ taama ka càri ka kunu ka bɔ u ka sunɔgɔw la ka bɔ u ka so u ka baaraw nɔnniyaw kaman, Dɔw b'u la olu bɛ sàbàti alabato kan a b'a yɛrɛ tànga ka bɔ tasuma ma, dɔw b'u la olu tɛ o kɛ, a bɛ Ala sɔsɔ tasuma donni b'a halaki.