فوائد الحديث

ყურანის ცხადი აიათები — ესენია ის, რომლებიც მკაფიო მნიშვნელობასა და გარე აზრს შეიცავს. მეტაფორული აიათები — ესენია ის, რომელთაც აქვთ რამდენიმე მნიშვნელობა და საჭიროებენ შესწავლას და გაგებას.

გაფრთხილება, რომ ერიდონ ურთიერთობას გზასაცდენილ ადამიანებთან, სიახლის შემომტანებთან და მათთან, ვინც პრობლემურ საკითხებს ეხება, რათა ხალხი შეცდომაში შეიყვანოს და მათში ეჭვები დათესოს.

აიათის დასასრულს არის უზენაესი ალლაჰის სიტყვები: {შეგონებას მხოლოდ გონიერნი მისდევენ}, ეს აიათი შეიცავს გზასაცდენილების გაკიცხვას და მტკიცე ცოდნის მქონეთა ქებას. ანუ ის, ვინც არ იღებს ჭკუას, არ ითვალისწინებს შეგონებას და მისდევს საკუთარ ვნებას, არ არის გონიერების მფლობელი.

მიყოლა მიმგვანებულ აიათებზე მიზეზია გულის გადახრის ჭეშმარიტებიდან.

სავალდებულოა მრავალმნიშვნელოვანი აიათების , რომელთა მნიშვნელობა შეიძლება სრულად არ იყოს გასაგები, ცხად აიათებთან დაკავშირება.

ჰქმნა ალლაჰმა ზოგიერთი აიათი ცხადი, ზოგიც კი მიმგვანებული( არა ცხადი), რათა გამოსცადოს ხალხი და გამოარჩიოს მორწმუნეები გზააბნეულებისგან.

ყურანში მრავალმნიშვნელოვანი აიათების არსებობით ალლაჰი გამოხატავს სწავლულების უპირატესობას ადამიანებზე და აჩვენებს, რომ ადამიანური გონება შეზღუდულია. ეს გონებას აიძულებს, რომ მორჩილებით ირწმუნოს თავისი შემოქმედი და აღიაროს თავისი უძლურება ღმერთის სიბრძნის წინაშე.

სიმტკიცის ღირსება ცოდნაში და სიმტკიცის აუცილებლობა მასში.

ყურანის განმმარტებლებს შორის არსებობს ორი აზრი იმის თაობაზე, თუ რა არის სიტყვების მნიშვნელობა და სად უნდა გაკეთდეს პაუზა სიტყვა ალლაჰზე უზენაესის სიტყვებში: {ამისი განმარტება არავინ იცის, გარდა ალლაჰისა და მყარი ცოდნის მქონეებმა}. იმათ აზრით, ვინც აკეთებს პაუზას სიტყვა ალლაჰ-ზე სიტყვა "განმარტება" აღნიშნავს ჭეშმარიტების ცოდნას, მის არსსა და იმას, რაც ადამიანის გონებით მიუწვდომელია, მაგალითად, სული და სამსჯავროს დღე, რომლის ცოდნა მხოლოდ ალლაჰს აქვს. მყარ ცოდნაში მყოფთ კი სწამთ ამის და მათ ნამდვილ არსს ანდობენ ალლაჰს; მათ მტკიცედ სწამთ, დარწმუნებულნი არიან და შეცდომაში არ ვარდებიან. იმათ აზრით, ვინც არ აკეთებს პაუზას სიტყვა ალლაჰ-ზე , სიტყვა "განმარტება" აღნიშნავს ინტერპრეტაციას, სიცხადეს და ახსნას. შესაბამისად, ამის ცოდნა ეკუთვნის როგორც ალლაჰს, ასევე მყარ ცოდნაში მყოფთ. იმათ სწამთ ამის და ახსნა უბრუნდება ცხად აიათებს.