إعدادات العرض
“ពិតប្រាកដណាស់ ក្រុមទីមួយដែលចូលឋានសួគ៌មុនគេ គឺមានពន្លឺដូចជាព្រះចន្ទពេញបូណ៌មី។ បន្ទាប់មក…
“ពិតប្រាកដណាស់ ក្រុមទីមួយដែលចូលឋានសួគ៌មុនគេ គឺមានពន្លឺដូចជាព្រះចន្ទពេញបូណ៌មី។ បន្ទាប់មក អ្នកដែលស្ថិតនៅក្នុងលំដាប់បន្ទាប់ពីពួកគេ គឺដូចជាតារាដែលមានពន្លឺភ្លឺជាងគេនៅលើមេឃ។
អំពី អាពូហ៊ូរ៉យរ៉ោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖ “ពិតប្រាកដណាស់ ក្រុមទីមួយដែលចូលឋានសួគ៌មុនគេ គឺមានពន្លឺដូចជាព្រះចន្ទពេញបូណ៌មី។ បន្ទាប់មក អ្នកដែលស្ថិតនៅក្នុងលំដាប់បន្ទាប់ពីពួកគេ គឺដូចជាតារាដែលមានពន្លឺភ្លឺជាងគេនៅលើមេឃ។ ពួកគេមិនបត់ជើងតូច មិនបត់ជើងធំ មិនស្ដោះទឹកមាត់ និងមិនមានសំបោរឡើយ។ ក្រាស់របស់ពួកគេធ្វើអំពីមាស។ ញើសរបស់ពួកគេមានក្លិនក្រអូបដូចទឹកអប់។ គ្រឿងក្រអូបរបស់ពួកគេ គឺជាអាឡូហ្វះ(ឈើក្រអូប)។ ភរិយារបស់ពួកគេ គឺហ៊ូរុលអ៊ីន(ទេពអប្សរដែលបរិសុទ្ធ)។ ពួកគេមានរូបរាងដូចជាបុរសម្នាក់ គឺដូចជាឪពុករបស់ពួកគេ អាហ្ទាំ ដែលមានកម្ពស់ហុកសិបហត្ថ”។
الترجمة
العربية Tiếng Việt অসমীয়া Nederlands Bahasa Indonesia Kiswahili Hausa සිංහල English ગુજરાતી Magyar ქართული Română Русский Português ไทย తెలుగు मराठी دری Türkçe አማርኛ বাংলা Kurdî Malagasy Македонски Tagalogالشرح
ណាពី ﷺ លោកបានប្រាប់ថា ជាការពិតណាស់ ក្រុមអ្នកមានជំនឿដំបូងគេដែលបានចូលឋានសួគ៌ មុខរបស់ពួកគេនឹងមានពន្លឺប្រៀបដូចជាព្រះចន្ទពេញវង់។ បន្ទាប់មក អ្នកដែលស្ថិតនៅក្នុងលំដាប់បន្ទាប់ពីពួកគេ គឺដូចជាតារាដែលមានពន្លឺភ្លឺជាងគេនៅលើមេឃ។ លក្ខណៈសម្បត្តិពួកគេ គឺពេញលក្ខណៈដោយពួកគេមិនបត់ជើងតូច មិនបត់ជើងធំ មិនស្តោះទឹកមាត់ និងមិនហៀរសំបោរឡើយ។ ក្រាស់សិតសក់របស់ពួកគេធ្វើពីមាស។ ញើសរបស់ពួកគេមានក្លិនក្រអូបដូចទឹកអប់។ គ្រឿងក្រអូបរបស់ពួកគេគឺជាអាឡូហ្វះ(ឈើក្រអូប)។ ភរិយារបស់ពួកគេ គឺស្ត្រីហ៊ូរុលអ៊ីន(ស្ត្រីទេពអប្សរដែលបរិសុទ្ធ)។ ពួកគេទាំងអស់គ្នាមានរូបរាងដូចគ្នា ដូចឪពុករបស់ពួកគេ ណាពីអាហ្ទាំ ទាំងកម្ពស់និងរូបរាង ដែលខ្លួនប្រាណរបស់គេមានកម្ពស់ហុកសិបហត្ថ។فوائد الحديث
ពណ៌នាអំពីលក្ខណៈរបស់អ្នកឋានសួគ៌ ហើយពិតណាស់ ពួកគេមានកម្រិតខុសៗគ្នាអាស្រ័យតាមឋានៈ និងទង្វើរបស់ពួកគេ។
ប្រើប្រាស់ការប្រៀបធៀបដើម្បីពន្យល់អត្ថន័យឱ្យកាន់តែងាយយល់។
អ៊ីម៉ាំ គួរទូពី បាននិយាយថា៖ អាចមានគេសួរថា៖ ហេតុអ្វីពួកគេត្រូវការក្រាស់សិតសក់ ខណៈដែលសក់របស់ពួកគេមិនកខ្វក់ផងនោះ? ហើយហេតុអ្វីពួកគេត្រូវការធូប ខណៈដែលក្លិនរបស់ពួកគេក្រអូបជាងទឹកអប់ទៅទៀតនោះ? គាត់បាននិយាយថា៖ គេអាចឆ្លើយថា៖ ភាពរីករាយរបស់អ្នកឋានសួគ៌ ដូចជា អាហារ ភេសជ្ជៈ សម្លៀកបំពាក់ និងក្លិនក្រអូប មិនមែនផ្អែកលើការស្រេកឃ្លាន ភាពស្រេកទឹក ភាពអាក្រាត ឬក្លិនស្អុយនោះទេ។ ផ្ទុយទៅវិញ វាជាភាពរីករាយបន្តបន្ទាប់គ្នា និងពរជ័យពីមួយទៅមួយ។ ពោលគឺពួកគេរីករាយដូចគ្នានឹងអ្វីដែលពួកគេធ្លាប់រីករាយនៅក្នុងលោកិយ។