إعدادات العرض
((ئهگهر ههوه گوهـ ل بانگهلدێری بوو؛ هنگی هوین ژی ههمان گۆتنێن وی بێژن، پاشی صهلهواتان بدهنه سهر من
((ئهگهر ههوه گوهـ ل بانگهلدێری بوو؛ هنگی هوین ژی ههمان گۆتنێن وی بێژن، پاشی صهلهواتان بدهنه سهر من
عهبدولڵاهێ كوڕێ عهمرێ كوڕێ عاص (خودێ ژ ههردووکان ڕازی بیت) دبێژیت: من گوھ ل پێغهمبهری (صهلات و سهلامێن خودێ ل سهر بن) بوو دگۆت: ((ئهگهر ههوه گوهـ ل بانگهلدێری بوو؛ هنگی هوین ژی ههمان گۆتنێن وی بێژن، پاشی صهلهواتان بدهنه سهر من، چونكی ههر كهسێ صهلهواتهكێ بدهته سهر من؛ خودێ دێ دههـ صهلهواتان دهته سهر وی. پاشی داخوازا (وهسیلێ) بۆ من ژ خودێ بكهن، چونكی ئهو پلهیهكه د بهحهشتێدا و ب تنێ دێ بۆ عهبدهكی ژ عهبدێن خودێ بیت و ئهز هيڤیدارم ئهو كهسه ئهز بم، ڤێجا ههر كهسێ داخوازا (وهسیلێ) بۆ من بكهت؛ شهفاعهتا من بۆ وی حهلال بوو)).
الترجمة
العربية English မြန်မာ Svenska Čeština ગુજરાતી Yorùbá Nederlands اردو Indonesia ئۇيغۇرچە বাংলা සිංහල हिन्दी Tiếng Việt Hausa తెలుగు Kiswahili پښتو অসমীয়া دری Кыргызча Lietuvių Kinyarwanda नेपाली മലയാളം Bosanski ಕನ್ನಡ Kurdî Română Soomaali Shqip Српски Українська Wolof Tagalog Moore தமிழ் Azərbaycan فارسی ქართული 中文 Magyar Português Deutsch Русский Македонски Bambara አማርኛ Italiano Malagasy Oromoo ភាសាខ្មែរ ไทย मराठी ਪੰਜਾਬੀ Türkçe O‘zbek Español 日本語الشرح
پێغهمبهری (صهلات و سهلامێن خودێ ل سهر بن) ڕێك نیشا وی كهسی دا یێ گوهـ ل بانگی دبیت، كو ههمان پهیڤێن بانگهلدێری بێژیت، ژ بلی ههردوو حهیعهلهیان (حي على الصلاة و حي على الفلاح)، و پشتی ب دویماهیك هاتنا بانگی صهلهواتان بدهته سهر پێغهمبهری، چونكی ههر كهسێ صهلهواتهكێ بدهته سهر پێغهمبهری (صهلات و سهلامێن خودێ ل سهر بن)؛ خودێ دێ دههـ صهلهواتان دهته سهر وی، و مهرهم ب صهلهواتدانا خودێ ل سهر عهبدی: مهدح و پهسنكرنا وی عهبدییه ل دهڤ مهلائیكهتان. پاشی فهرمان كر كو دوعا و داخوازا (وهسیلێ) بۆ وی ژ خودێ بكهین، كو ئهو ژی بلندترین پلهیه د بهحهشتێدا، و ئهو پلهیه ب تنێ دێ بۆ عهبدهكی بیت ژ ناڤ ههمی عهبدێن خودایێ مهزن، و ئهز هیڤیدارم ئهز ئهو كهسه بم. پێغهمبهری (صهلات و سهلامێن خودێ ل سهر بن) ئهڤ چهنده ژ خۆبكێمزانین (و تهوازعا) خۆ گۆتییه؛ چونكی ئهگهر ئهو پلهیا بلند ب تنێ بۆ ئێك كهس بیت، هنگی مسوگهر ئهو كهسه ههر ئهوه (صهلات و سهلامێن خودێ ل سهر بن)، چونكی ئهو چێترینێ ههمی دروستكرییانه. پاشی پێغهمبهری (صهلات و سهلامێن خودێ ل سهر بن) دیار كر كو ههر كهسێ دوعایا (وهسیلێ) بۆ پێغهمبهری (صهلات و سهلامێن خودێ ل سهر بن) بكهت، شهفاعهتا وی دێ بۆ وی بجھ هێت و حهلال بیت.فوائد الحديث
پالدانا مروڤی بۆ بهرسڤدانا بانگهلدێری.
قهدر و بهایێ صهلهواتدانێ ل سهر پێغهمبهری (صهلات و سهلامێن خودێ ل سهر بن) پشتی بهرسڤدانا بانگی.
هاندان ل سەر داخوازكرنا (وهسیلێ) بۆ پێغهمبهری (صهلات و سهلامێن خودێ ل سهر بن) پشتی صهلهواتدانێ.
دیاركرنا ڕامانا (وهسیلێ) كا چ تشته و بلندییا پلهیا وێ، ژ بهر كو ئهو ب تنێ بۆ ئێك كهسه.
دیاركرنا قهدر و بهایێ پێغهمبهری (صهلات و سهلامێن خودێ ل سهر بن) كو ئهو پلهیا بلند تەنێ بۆ وییه.
ههر كهسێ داخوازا (وهسیلێ) بۆ پێغهمبهری (صهلات و سهلامێن خودێ ل سهر بن) بكهت، شهفاعهت بۆ وی مسوگهر دبیت.
دیاركرنا خۆبكێمزانین (و تهوازعا) پێغهمبهری (صهلات و سهلامێن خودێ ل سهر بن)، چونكی داخواز ژ ئوممهتا خۆ كرییه دوعایێ بۆ وی بكهن كو بگههیته وێ پلهیێ، ههر چهنده ئهو پله دێ بۆ وی بیت.
بهرفرههییا قهنجی و دلۆڤانییا خودێ، چونكی خێر ل دهڤ وی ب دههـ خێرانه.