الشرح

ئەم فەرموودەیە نەهی کردنی تێدایە لە ئافرەت سەبارەت بە ڕاگەیاندنی ماتەمینی لەسەر مردوو زیاتر لە سێ ڕۆژ، چونکە سێ ڕۆژ بەسە بۆئەوەى مافى کەسی نزیک جێبەجێ بکرێت ودڵنەوایی ئەوانە بدرێتەوە کە غەمبارن، بەمەرجێک مردووەکە مێردی نەبێت، ئەگەر مێردی بوو ئەوا ئافرەتەکە دەبێت چوار مانگ ودە ڕۆژ ماتەمینی ڕابگەیەنێت، ئەمیش وەکو جێبەجێکردنی ئەو مافە مەزنەى کە لەسەری هەبووە، وهەروەها بۆ هەژمارکردنی ماوەى مانەوە (عیدەت) کە لە شەریعەتدا دیاریکراوە. ماتەمینی لێرەدا واتا نابێت ئافرەت خۆی بڕازێنێتەوە بە بۆن وکل وشتی ڕازاوە وجلی سەرنجڕاکێش، ئەم ماتەمینیە تەنها بۆ مردنی مێرد واجبە، بۆ مردنی کەسە نزیکەکانى دەتوانێت سێ ڕۆژ ماتەمینی ڕابگەیەنێت ئەگەر ویستی لێی بێت. بەڵام لە کاتی ماتەمیندا ئەگەر ئافرەت جلێکی ڕەنگا وڕەنگ بپۆشێت کە بۆندار نەبێت بە زەعفەران وبۆنی تر ئەوا ئاساییە. وئەگەر ماوەى (عیدەکەى) نەما وپاکبوویەوە ئەوا پارچە قوماشێکی بۆندار دەدات لەسەر دامێنی بۆئەوەى بۆنی ناخۆشی ئەو شوێنە نەمێنێت.