الشرح

အဗ်ဒုလ္လာဟ် ဘင်န် မတ်စ်အူးဒ်် (ရဿွိယလ္လာဟုအန်ဟု) သည် အလ္လာဟ် အရှင်မြတ်၏ အမိန့်တော် {وَمَنْ يُرِدْ فِيهِ بِإِلْحَادٍ بِظُلْمٍ نُذِقْهُ مِنْ عَذَابٍ أَلِيمٍ} (ထိုမြင့်မြတ်သောအိမ်တော်၌ မတရားသဖြင့် လွန်ကျူးခြင်းဖြင့် ရည်ရွယ်သူအား ငါအရှင်မြတ်သည် ပြင်းထန်စွာသော ပြစ်ဒဏ်ကို ခံစေအံ့) [အလ်-ဟဂ်ျ ၂၅] ဟူသော အာယတ်တော်နှင့် ပတ်သက်၍ တင်ပြခဲ့သည်။ ၎င်းကပြောကြားခဲ့သည်မှာ – “လူတစ်ဦးဦးသည် မိမိစိတ်ထဲ၌ မက္ကာမြို့တော်၏ဟရမ်နယ်နမိတ်အတွင်း၌ မကောင်းမှုတစ်ခုကို ပြုလုပ်ရန်ကြံစည်ပြီး စိတ်ပိုင်းဖြတ်လိုက်ပါက၊ ထိုအရာသည် ဟရမ်မြေ၌ အလ္လာဟ်အရှင်မြတ် ဟရာမ်ဟူ၍ တားမြစ်တော်မူသည့်အရာကို ချိုးဖောက်ခြင်း ဖြစ်သည်။ ဥပမာ နှုတ်ဖြင့် (ဆဲဆိုခြင်း) သို့မဟုတ် တစ်စုံတစ်ဦးကို ရည်ရွယ်ချက်ရှိရှိ သတ်ဖြတ်ခြင်းကဲ့သို့သော အပြစ်များဖြစ်ပြီး၊ ထိုအပြစ်သည် မတရားမှုဖြစ်ကြောင်း သူနားလည်ပါက၊ ထိုစိတ်ပိုင်းဖြတ်မှုသည် ယီမင်နိုင်ငံရှိ 'အေဒင်မြို့'၌ ဖြစ်ခဲ့သည်တိုင်အောင်၊ ထိုသူသည် ထိုအကြံအစည်အတွက် အလ္လာဟ်အရှင်မြတ်ထံမှ နာကျင်စေသောပြစ်ဒဏ်ကို ခံထိုက်တန်သူဖြစ်သွားပေမည်။ သူသည် ထိုအကြံကို လက်တွေ့မကျူးလွန်ရသေးသည်တိုင် ဖြစ်သည်။ ထို့ကြောင့် ထိုအကြံအစည်စိတ်ကူးကပင် ပြစ်ဒဏ်ခံရန် လုံလောက်သောကြောင့် ဖြစ်သည်။