الشرح

नबी (सल्लल्लाहु अलैहि वसल्लम) ले व्याख्या गर्नुभएको छ, जसले प्रत्येक अनिवार्य सलाहपछि भन्छ: ‘सुब्हानल्लाह्’ ३३ चोटि, यसमा अल्लाह हरेक कमजोरीहरूबाट पवित्र हुनुहुन्छ भन्ने कुराको घोषणा गरिएको हो । ‘अल्हम्दु-लिल्लाह्’ ३३ चोटि, यसमा अल्लाहलाई प्रेमका साथ उहाँका सिद्ध गुणहरूद्वारा प्रशंसा गरिएको हो । ‘अल्लाहु-अक्बर’ ३३ चोटि, अर्थात अल्लाह सबै भन्दा महान र ठूलो हुनुहुन्छ । त्यसपछि 'ला इलाह इल्लल्लाहु वह्दहू ला शरीक लहु, लहुल्मुल्कु व लहुल्-हम्दु वहुव अला कुल्लि शैइन् कदीर्’ १ चोटि भनेर १०० पुरा हुन्छ । यसको अर्थ : अल्लाह बाहेक अरू कोही सत्य पूज्य छैनन्, उहाँ एक्लै हुनुहुन्छ, उहाँको कोही साझेदार छैनन् । सारा जगतका मालिक उहाँ नै हुनुहुन्छ । प्रेम र आदरका साथ सम्पूर्ण प्रशंसाहरू उहाँकै लागि हुन् र उहाँ सबै कुरा गर्न सक्षम हुनुहुन्छ । जसले यसो भन्छ, उसका पापहरू मेटाइनेछन् र पखालिनेछन्, चाहे त्यो समुद्रमा जोश आउदा माथि उठ्ने सेतो फेँज जस्तै धेरै भए पनि ।