الشرح

Пайғамбар соллаллоҳу алайҳи ва саллам фарз намозлари тугаганидан кейин қуйидаги зикрларни айтишнинг фазилатини баён қилдилар: Ўттиз уч марта: «Субҳаналлоҳ» (Аллоҳни айбу нуқсонлардан поклаш). Ўттиз уч марта: «Алҳамдулиллаҳ» (У Зотга бўлган муҳаббат ва таъзим билан комил сифатлари ила сано айтиш). Ўттиз уч марта: «Аллоҳу акбар» (Аллоҳ ҳар қандай нарсадан улуғ ва буюкдир). Ва юзинчисини: «Лаа илааҳа иллаллоҳу ваҳдаҳу лаа шарийка лаҳ, лаҳул-мулку ва лаҳул-ҳамд, ва ҳува ъалаа кулли шай’ин қодийр» деб тўлдириш. Маъноси: Ягона Аллоҳдан ўзга ҳақ илоҳ йўқ, Унинг шериги ҳам йўқ. Мутлоқ мулк ва ҳамд-сано Уникидир. У ҳар бир нарсага қодирдир. Яъни: Аллоҳдан ўзга ибодат лойиқ ҳақ зот йўқ. Мукаммал мулк фақат Унга хосдир ва бошқалардан фарқли ўлароқ, муҳаббат ҳамда таъзим билан мақталишга лойиқ Зот фақат Удир. У бирор нарса ожиз қолдира олмайдиган Қодирдир. Ким ана шуларни айтса, гарчи гуноҳлари денгиз тўлқинланиб кўпиргандаги оқ кўпиклар каби кўп бўлса ҳам, ўчирилади ва мағфират қилинади.