الشرح

ඉස්ලාමීය ෂරීආ පිළිවෙත පහසු හා සැහැල්ලු භාවය පදනම් කර ගත්; දැරිය හැකි ප්රමාණයක් පමණක් පැවරූ; තම හැකියාවට හෝ තෝරා ගැනීමේ නිදහසට (කැමැත්තට) බැහැර වූ කරුණු සඳහා වරදකරුවන් ලෙස හසු කර නොගත් එම පදනම මත ගොඩ නැගුණු පිළිවෙතකි. කවරෙකු ආහාර ගැනීම, පානය කිරීම හෝ ඒ හැර උපවාසය කඩ කරන කරුණක් රමළාන් කාලයේ හෝ වෙනත් උපවාස කාලවලදී හෝ සිදු කරන්නේ ද ඔහු ද මේ අතරට පත් වන්නේ ය. එබැවින් ඔහු තම උපවාසය පූර්ණ කරත්වා! සැබැවින්ම එයයි නිවැරදි වන්නේ. ඊට හේතුව සැබැවින්ම එය ඔහු කැමැත්තෙන් සිදු කළ එකක් නොවේ. එය කිසිදු චේතනාවකින් තොරව මිනිසා අමතක වීමෙන් සිදු කළ ක්රියාවක් වන බැවින් ඔහුගේ උපවාසයට පළුද්දක් නොවන්නේ ය එමෙන්ම බලපෑමක් ද නොවන්නේය. සැබැවින්ම ඔහුට ආහාර පාන සපයා ඇත්තේ අල්ලාහ්ය.