موسوعة الأحاديث النبوية

إعدادات العرض

Yàlla mu Baarkeel mi te kawe nee na: waajalal naa sama jaam yu sell yi, lu bët musul a gis, nopp musu ko a dégg, te musul a rot ci xolo nit

  1. الرئيسية
  2. Wolof
  3. Yàlla mu Baarkeel mi te kawe nee na: waajalal naa sama jaam yu sell yi, lu bët musul a gis, nopp musu ko a dégg, te musul a rot ci xolo nit

Yàlla mu Baarkeel mi te kawe nee na: waajalal naa sama jaam yu sell yi, lu bët musul a gis, nopp musu ko a dégg, te musul a rot ci xolo nit

Jële nañu ci Abuu Hurayrata -yal na ko Yàlla dollee gërëm- mu jële ci Yonente bi -yal na ko Yàlla dolli xéewal ak mucc- mu wax ne: "Yàlla mu Baarkeel mi te kawe nee na: waajalal naa sama jaam yu sell yi, lu bët musul a gis, nopp musu ko a dégg, te musul a rot ci xolo nit" Abuu Hurayrata nee na: jàngleen bu leen soobee: {benn bakkan xamul la ñu ko dencal ci luy bégloo ay bët} [As-Sajda: 17].

[Wér na] [Al-buxaariy ak Muslim dëppoo nañu ci génnee ko ci seen ñaari téere yi gën a wér]

حفظ

حفظ الحديث بصيغة PDF

الترجمة

العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Tiếng Việt অসমীয়া Nederlands Kiswahili Hausa සිංහල ગુજરાતી Magyar ქართული Română Português ไทย తెలుగు मराठी دری አማርኛ Malagasy Македонски ភាសាខ្មែរ Українська ਪੰਜਾਬੀ

الشرح

Yonente bi yal na ko Yàlla dolli xéewal ak mucc xamle na ne Yàlla mu Baarkeel mi te kawe nee na: Waajalal naa ngir teral ñeel sama jaam yu sell yi ca àjjana lu bët musul a gis jëmmam, te nopp musul a dégg kàddoom, te melokaanam tàbbiwul ci xolu nit. Abuu Hurayrata yal na ko Yàlla dollee gërëm daal di ne: jàngleen bu leen soobee: {benn bakkan xamul la ñu leen dencal ci luy bégloo ay bët} [As-Sajda: 17].

فوائد الحديث

Hadiis bii dafa bokk ci li Yonente bi di nettali jële ko ci Boroomam, ñu di ko woowe Hadiis Al-xuddsii walla Hadiisu Al-Ilaahiy, te mooy Hadiis bi nga xam ne ay baatam ak i maanaam ci Yàlla la jóge, waaye amul jagle yi nekk ci Alxuraan te mu koy ràññee ak lu dul moom, niki di jaamu Yàlla ci njàng mi ak di laab ngir jàng ko, ak di ci dëkke mbaa di ci lottalaate ak yenneen.

Ñaaxe ci def topp yi ak bàyyi yu bon yi; ngir tonowu ci li Yàlla waajalal jaamam yu sell yi.

Yàlla mu kawe mi wanuñu ci Téereem bi ak Sunnas Yonnenteem bi lépp lu nekk ca àjjana, ak ne la nu xamul moo gën a màgg yi nu xam.

Leeral matug xéewali àjjana yi, ak ne ay ñoñam danañu fekk ay mbégte yu mucc ci lu koy nëxal walla njàqare.

Bànneexi àdduna luy jeex la, te allaaxira moo gën te mooy sax.

التصنيفات

Meloy Àjjana ak Sawara