فوائد الحديث

இந்த ஹதீஸ் அல்லாஹ் கூறியதாக நபி ஸல்லல்லாஹு அவர்கள் அறிவிக்கும் நபி மொழியாகும். இவ்வாறான ஹதீஸ்கள் 'ஹதீஸ் குத்ஸீ (புனிதமிக்க நபிமொழி), 'ஹதீஸ் இலாஹீ' (தெய்வீக நபிமொழி) எனும் பெயர்களால் அழைக்கப்படுகின்றன. இவ்வாறான ஹதீஸ்களின் வார்த்தையும் கருத்தும் அல்லாஹ்விடமிருந்து உள்ளதாகும். என்றாலும் அல்குர்னுக்குரிய தனித்துவங்கள் இதற்குக் கிடையாது. அதாவது அல்குர்ஆன் பெற்றுள்ள தனித்துவங்களான ஓதுவது வணக்கம், ஓதுவதற்கு வுழு செய்து கொள்ளுதல் (விரும்பத்தக்கது), சவால் விடுதல், அற்புதம் போன்றவை இவ்வகையான ஹதீஸ்களுக்கு கிடையாது.

அல்லாஹ் தனது நல்லடியார்களுக்கு ஏற்பாடு செய்து வைத்துள்ளவற்றை அடைந்து கொள்வதற்காக, நல் அமல்களில் ஈடுபடவும், பாவங்களை விடவும் ஊக்குவித்தல்.

அல்லாஹ் தஆலா தனது வேதத்திலும், தனது நபியின் ஹதீஸ்களிலும் சுவனத்தில் உள்ள அனைத்தையுமே எமக்குத் தெரியப்படுத்தவில்லை. நாம் அறிந்துள்ளவற்றை விட, அறியாதவை மகத்தானவை.

சுவன இன்பங்களின் பரிபூரணத் தன்மையையும், சுவனவாதிகள் கலங்கமோ, அச்சமோ அற்ற மகிழ்ச்சியை அனுபவிப்பார்கள் என்பதையும் தெளிவுபடுத்தல்.

உலக இன்பங்கள் நீங்கிச் செல்லக் கூடியவை. மறுமையே சிறந்தது. மேலும் நிலையானது.