الشرح

Annabi yo ALLa juul e dow muh O hisno ɗum o fodoni golluɗo e leñol mum he ɗe golle e maakol makko:" jeyaako e amen" ina heen: Gadanel: " oon diwnuɗo wolla o diwnana" woni iwdi ɗuum ko diwnude ndiwri saanga naatde e golle hono ɗatngal wolla njulaagu wolla ko wonaa ɗuum, si ndi diwrii bannge ñaamo o aaɓno o jooko ko yahata ko e ko o faala ko, si ndu diwrii bannge nana o hiitino o acca ko o yiɗno waɗde ko, dagaaki nde neɗɗo waɗanta ɗum hoore mum wolla halfinoo goɗɗo waɗana ɗum, ina jeyaa e ɗuum hiitnaade kala huunde ko nanatee wolla ko yi'ate, e ndiwri wolla e kulle goɗɗe he, wolla jom en ŋakke wolla tonngooɗe wolla ñalɗi e ko wona ɗuum. Ɗimme ngel woni:" kala baɗɗo wageyaagal ( tiimngal) wolla o waɗana ngal " oon noddatiiɗo anndude ko wirnii wano huutoraade koode e ko nanndi heen, wolla o ari e noddittoowo anndude ko wirnii hono wage ( tiimoowo) e ko nanndi heen, o gooŋɗani mbo ko o haali ko e nootitongol nganndal cuuɗiiɗi, o yeddii ko tellinaa ( jippinaa) ko e Muhammadu yo ALLO juul e dow muh O hisno ɗum. Tataɓel ngel: " kala bilɗo wolla o wilanaa" oon woni golluɗo mbilewu e hoore makko, wolla o totti goɗɗo yo waɗan mbo mbilewu; ngam o nafa heen goɗɗo wolla o lorla ( torra) mbo, wolla o fiɓi piɓol hon fiɓrude gaarayol wolla wildude mbo mocci karminaaɗi e wuttude ( tututde) heen.