إعدادات العرض
Nganawa mu likuga lyangu mundu jumpaka akamulisye masengo ijuni pakulotela yambone kapena yakusakala kapena kumtenda jwine kuti amlotele yeleyo,kapena mundu jwakusajaula kwa bimbi kapena kwatuma wane kuti wajaulile, kapena jwakutenda ya usawi kapena kwatenda wane watendele
Nganawa mu likuga lyangu mundu jumpaka akamulisye masengo ijuni pakulotela yambone kapena yakusakala kapena kumtenda jwine kuti amlotele yeleyo,kapena mundu jwakusajaula kwa bimbi kapena kwatuma wane kuti wajaulile, kapena jwakutenda ya usawi kapena kwatenda wane watendele
Ngani jikupitila kwa Imran mwanache jwa Husain-Mlungu asangalasidwe nawo -wawatite kuti: Mtume jwa Mlungu -chanasa ni utendele wa Mlungu iwe pa jwelejo- wawechete kuti: "Nganawa mu likuga lyangu mundu jumpaka akamulisye masengo ijuni pakulotela yambone kapena yakusakala kapena kumtenda jwine kuti amlotele yeleyo,kapena mundu jwakusajaula kwa bimbi kapena kwatuma wane kuti wajaulile, kapena jwakutenda ya usawi kapena kwatenda wane watendele,mundu jumpaka atawe ilumbo, ni mundu jumpaka ajaule kwa bimbi nikumkulupilila yakuwecheta, nikuti akanile ikandu yayatulusidwe kwa Muhammad -chanasa ni utendele wa Mlungu iwe pa jwelejo".
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili မြန်မာ ไทย Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands සිංහල தமிழ் دری Magyar ಕನ್ನಡ Кыргызча Lietuvių Malagasy Kinyarwanda नेपाली Română Српски Wolof Soomaali Moore Українська Български Azərbaycan ქართული тоҷикӣ Bambara Македонски አማርኛ Oromoo ភាសាខ្មែរ मराठी ਪੰਜਾਬੀ Italiano O‘zbek Fulfulde kmrالشرح
Mtume-chanasa ni utendele wa Mlungu iwe pa jwelejo-wamjogoisye mundu jwalijose jwa mwikuga lyakwe jumpaka atende ikachindu ine pakuwecheta kuti: "nganawa jumo mwetuwe", mu ine mwa ikanduyo ni: Chandanda: "Mundu jumpaka akamulisye guluka kwa ijuni pakusala ya upile kapena likungu". ndando ja chele chikulupichi ni janti: wandu chisilamu mkanichiwiche, wachigulusyaga chijuni naga akusaka kwenda ulendo kapena kutenda geni kapena ine yangawa yeleyi, naga chijunicho chiguluchile mbali jakumlyo, mundu wapelenganyaga kutenda yakusaka. Nambo naga chiguluchile mbali jaku mpoto, waonaga kuti kwana makungu ni walekaga kutenda yasosileje. Ayi yangakundisidwa kutenda ugwejo jikape kapena kumtenda jwine atende. Mteto wakulotela yakusakalawu mukwinjilamo chine chilichose chakupikana kapena kulola,sawu ijuni, inyama, wandu wakwete ilosyo yapadela sawu kulemala kwa iwalo, kapena kamulisya masengo manambala kapena masiku ni ine yakulekangana. Chawili: "mundu jumpaka ajaule ku chisango kapena kutendeledwa chisango". Mundu jumpaka ajile kuti akusamanyilila yakusisika pakamulisya masengo ndondwa kapena ikachindu ine iliyose,kapena kwaula kwa mundu jwakusalitenda kuti akusamanyilila yakusisika sawu abimbi ni wane wakutenda yakulandana ni abimbiwo, nikumkulupilila yakuwecheta yakwe pakulitenda kuti akusamanyilila yakusisika, ni kuti jwelejo akanile mu ikandu yayatumisidwe kwa Muhammad -chanasa ni utendele wa Mlungu iwe pa jwelejo. Chatatu: "mundu jumpaka atende ya usawi kapena kumtuma jwine kuti amtendele ya usawi". Jwele ni mundu jwakusatenda ya usawi msyenejo kapena kumtuma mundu jwine kuti amtendele ya usawi; kuti imkamuchisye kapena kumpa ilagasyo mundu jwine, kapena kulumbikanya ilisi pakulumbikanya ulusi nikutenda ya usawi yasatendayo nikuwalangaga ikandu yakusawalanga pa yatesileyo mu ikandu yaili yelekasidwe ni kupepelelaga aku anamkuikolanjila yakusaka kuti itendekweyo.فوائد الحديث
Mu ngani jeleji, mwana chilamusi chakumkanganika mundu kuti ajegamileje mwa Mlungu, ni kulupililaga mu yalinganyisye Mlungu, nikulekasya ikulupililo yakulupilila kuti pana ijuni ine ikusawika ni yambone kapena makungu (sawu njuwa ni kasisi kapena namame), kulekasya usawi ni kwaula ku maula, kapena kwausya wandu wakutenda ikandu yeleyi kuti akusalile yaikandu yakusisika.
Mundu kuliwilanjila umanyisi wa indu yakusisika ikusajigalidwa kuti ili mulikuga lya mteto wakum'bwanganya Mlungu ni ikandu ine yaikusasisyana ni chikulupililo cha ujikape wa Mlungu.
Mu ngani jeleji, mwana kulekasya yakwakulupilila abimbi ni kwajaulila wele wanduwo, ikwinjila mu likuga lyeleli mteto wakukamulisya masengo iwalo yapachilu pakusala yakutendekwa pa umi wa mundu kapena pakamulisya masengo ndondwa yailembedwe mu mabuku ga wandu wakusalitenda kuti akusamanyilila yakusisika namtamuno pagambakuwalanga mabuku gele.