فوائد الحديث

អាន់ណាវ៉ាវី បាននិយាយថា៖ អ្នកមានជំនឿគ្រប់រូបត្រូវជាប់ឃុំឃាំង និងត្រូវបានគេរារាំងពីចំណង់តណ្ហាដែលគេហាមឃាត់ និងប្រការដែលគេមិនពេញចិត្ត ត្រូវគេដាក់បន្ទុកឲ្យអនុវត្តការគោរពប្រតិបត្តិដែលមានការលំបាក។ ប៉ុន្តែនៅពេលដែលគេស្លាប់ទៅ គេនឹងបានសម្រាកពីកាតព្វកិច្ចអស់ទាំងនេះ ហើយគេនឹងវិលទៅកាន់អ្វីដែលអល់ឡោះជាម្ចាស់បានសន្យាសម្រាប់រូបគេនៃបរមសុខជារៀងរហូត និងការរីករាយក្នុងចិត្តយ៉ាងពេញទី។ ចំណែកឯអ្នកគ្មានជំនឿវិញ តាមពិតគេអាចទទួលបានប្រការទាំងអស់នេះនៅក្នុងលោកិយដែលតិចតួច ខ្វះខាត និងច្របូកច្របល់របស់វា។ ហើយនៅពេលដែលគេស្លាប់ទៅ គេនឹងវិលទៅកាន់ទណ្ឌកម្មជាអមតៈ និងភាពអពមង្គលដ៏អស់កល្បជានិច្ច។

អាស្ស៊ិនទី បាននិយាយថា៖ ប្រសាសន៍របស់ណាពី ﷺ៖ “ជាគុកសម្រាប់អ្នកមានជំនឿ”បើទោះជាគេរស់នៅក្នុងលោកិយនេះប្រកបដោយឧបការគុណក៏ដោយ ក៏ឋានសួគ៌នៅតែល្អជាង។ “ហើយជាឋានសួគ៌សម្រាប់អ្នកដែលគ្មានជំនឿ”បើទោះជាគេរស់នៅក្នុងលោកិយនេះពោរពេញដោយការលំបាកក៏ដោយ ក៏ឋាននរកនៅតែអាក្រក់ជាង។

បញ្ជាក់ពីភាពគ្មានតម្លៃនៃលោកិយចំពោះអល់ឡោះជាម្ចាស់។

លោកិយជាកន្លែងសាកល្បងសម្រាប់អ្នកដែលមានជំនឿ។

អ្នកគ្មានជំនឿទទួលបានឋានសួគ៌ភ្លាមៗនៅក្នុងលោកិយនេះ។ ហេតុនេះ គេនឹងដាក់ទណ្ឌកម្មលើរូបគេវិញ ដោយរារាំងពីឋានសួគ៌នៅថ្ងៃបរលោក និងបរមសុខនៃឋានសួគ៌។