فوائد الحديث

ហ្សាកាត់ហ្វីត្រោះនៃខែរ៉ម៉ាហ្ទន គឺចាំបាច់ត្រូវបរិច្ចាគទាំងក្មេង ទាំងចាស់ ទាំងអ្នកដែលមានសេរីភាព ទាំងអ្នកដែលជាទាសករ។ អាណាព្យាបាលនិងម្ចាស់ទាសករត្រូវទទួលខុសត្រូវលើការបរិច្ចាគរបស់ពួកគេ។ បុរសត្រូវបរិច្ចាគហ្សាកាត់ហ្វីត្រោះនេះសម្រាប់ខ្លួនឯង កូនៗរបស់ខ្លួន និងអ្នកដែលខ្លួនមានកាតព្វកិច្ចចិញ្ចឹម។

ចំពោះគភ៌ក្នុងផ្ទៃ មិនតម្រូវឲ្យបរិច្ចាគហ្សាកាត់ហ្វីត្រោះឡើយ តែប្រសិនបើបរិច្ចាគឲ្យ គឺជាការប្រសើរ។

បញ្ជាក់ពីអ្វីដែលត្រូវបរិច្ចាគហ្សាកាត់ហ្វីត្រោះ ពោលគឺជាអាហារប្រចាំថ្ងៃរបស់មនុស្ស។

ចាំបាច់ត្រូវបរិច្ចាគហ្សាកាត់ហ្វីត្រោះមុនសឡាតរ៉យ៉ា។ ជាការប្រសើរ គឺត្រូវបរិច្ចាគនៅព្រឹកថ្ងៃរ៉យ៉ា ហើយគេអនុញ្ញាតឲ្យបរិច្ចាគមុនថ្ងៃរ៉យ៉ាមួយថ្ងៃ ឬពីរថ្ងៃបាន។