الشرح

چیرۆکێک هەیە لە پشت ئەم فەرموودەیەوە، ئەنەس -ڕەزای خوای لێبێت- دەڵێت: کاتێک لە مزگەوت دانیشتبووین لەگەڵ پێغەمبەری خودا -صلى اللە علیە وسلم- پیاوێکی ئەعرابی هات، هەستا ومیزی کرد لە گۆشەیەکی مزگەوتەکەدا، هاوەڵان لێی توڕە بوون، لە گێڕانەوەیەکدا: (خەڵکی لێی توڕە بوون ونەهیان لێیکرد)، پێغەمبەر -صلى اللە علیە وسلم- فەرمووی: (لا تَزْرِمُوهُ، دعوه) واتە: (پێی مەبڕن، وازی لێبهێنن)، ئەوانیش وازیان لێی هێنا هەتاوەکو میزی کرد، پاشان پێغەمبەر -صلى اللە علیە وسلم- بانگی کرد وفەرمووی: (گونجاو نییە ئەم مزگەوتانە بەکاربهێنرێت بۆ میزکردن یان پیسی فڕێدان)، بۆی ڕوونکردەوە کە مزگەوت نە بۆ سەرئاوکردن دروست کراوە و نە بۆ ئەوە دروستکراوە بە دەنگی تێیدا قسە وهاواری تێدا بکرێت، بەڵکو دروستکراون بۆئەوەى یادی خواى گەورەی تێدا بکرێت، وقورئانی تێدا بخوێندرێت، بۆیە دەبێت مسوڵمان ڕێز لە مزگەوتەکان بگرێت و لە نێویدا بە ئەدەبەوە هەڵسوکەوت بکات چونکە ئەوانە ماڵی خواى گەورەن -سبحانه وتعالى-.