إعدادات العرض
گونجاو نییە ئەم مزگەوتانە بەکاربهێنرێت بۆ میز یان پیسی كردن، بەڵکو (دروستکراون) بۆئەوەى یادی خواى گەورەی تێدا بکرێت، وقورئانی تێدا بخوێندرێت
گونجاو نییە ئەم مزگەوتانە بەکاربهێنرێت بۆ میز یان پیسی كردن، بەڵکو (دروستکراون) بۆئەوەى یادی خواى گەورەی تێدا بکرێت، وقورئانی تێدا بخوێندرێت
لە ئەنەسەوە -ڕەزای خوای لێبێت- دەڵێت: كاتێك لەنێو مزگەوتدا بووین لەگەڵ پێغەمبەری خودا -صلى اللە علیە وسلم-؛ پیاوێكی ئەعرابی هات، وەستا ولە نێو مزگەوتەكەدا میزی كرد، هاوەڵانی پێغەمبەری خودا -صلى اللە علیە وسلم- ووتیان: بوەستە بوەستە، پێغەمبەری خودا -صلى اللە علیە وسلم- فەرمووی: «مەیوەستێنن، وازی لێبێنن»، ئەوانیش وازیان لێهێنا هەتاوەكو میزی كرد، پاشان پێغەمبەری خودا -صلى اللە علیە وسلم- بانگی كرد وپێی فەرموو: «گونجاو نییە ئەم مزگەوتانە بەکاربهێنرێت بۆ میز یان پیسی كردن، بەڵکو (دروستکراون) بۆئەوەى یادی خواى گەورەی تێدا بکرێت، وقورئانی تێدا بخوێندرێت»، یان بەو شێوەی پێغەمبەری خودا فەرمووی -صلى اللە علیە وسلم-، دەڵێت: فەرمانی بە پیاوێك كرد لە خەڵكی؛ ئەویش سەتڵێك ئاوی هێنا وكردی بە سەر شوێنی میزەكەدا.
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Hausa Русский Tiếng Việt Magyar ქართული සිංහල Kiswahili Română অসমীয়া ไทย Português मराठी دری አማርኛ ភាសាខ្មែរ ગુજરાતી Nederlands Македонскиالشرح
پێغەمبەر -صلى اللە علیە وسلم- لە مزگەوتدا بوو لەگەڵ هاوەڵانی، پیاوێكی ئەعرابی هات لە دەشتەوە، وەستا ولە شوێنێكی نێو مزگەوتەكەدا میزی كرد. هاوەڵان هاواریان بەسەریدا كرد، ووتیان: واز بهێنە وبوەستە. پێغەمبەر -صلى اللە علیە وسلم- فەرمووی: وازی لێبێنن، ومیزەكەی پێ مەبڕن، ئەوانیش وازیان لێهێنا هەتاوەكو میزەكەی تەواو كرد. پاشان پێغەمبەر -صلى اللە علیە وسلم- بانگی كرد وپێی فەرموو: گونجاو نییە ئەم مزگەوتانە بەکاربهێنرێت بۆ میز یان هەر پیسیەكی تر، بەڵکو دروستکراون بۆئەوەى یادی خواى گەورەی تێدا بکرێت -عز وجل-، ونوێژی تێدا بكرێت، وقورئانی تێدا بخوێندرێت وهتد. پاشان پێغەمبەر -صلى اللە علیە وسلم- فەرمانی كرد بە پیاوێك لە هاوەڵان وئەویش سەتڵێكی پڕ لە ئاوی هێنا، وبە ئاسانی كردی بەسەر شوێنی میزەكەدا.فوائد الحديث
واجبێتی بەمەزندانانی مزگەوتەكان، وپاراستنیان وپاككردنەوەیان لەو شتانەی شیاو نین تێیاندا بێت.
نەوەوی دەڵێت: فەرموودەكە ئاماژەیە بۆ پاراستنی مزگەوتەكان وپاككردنەوەیان لە شتی پیس وچڵك وبەڵغەم، ونەهی كردن لە: بەرزكردنەوەی دەنگ ومشتومڕ وناكۆكی تێیاندا، هەروەها نەهی كراوە لە كڕین وفرۆشتن وهەموو گرێبەستەكانی تر تێیاندا، وهەموو ئەو شتانەیشی هاوشێوەن لە مانایاندا.
نەرمونیان بوون بەرامبەر كەسی نەزان وفێركردنی ئەوەی پێویستە بیزانێت بە بێ توندی وبێ ئازاردان ئەگەر سەرپێچی نەكات بەهۆی بەكەمدانان یان كەلەڕەقی.
پێغەمبەر -صلى اللە علیە وسلم- مامۆستایەكی میهرەبان، وڕەوشت بەرزێكی نەرمونیان، وپەروەردەكارێكی لەسەرخۆ بوو.
هاندان بۆ ئاوەدانکردنەوەى ماڵەکانى خواى گەورە -سبحانه وتعالى- بە نوێژکردن وقورئان خوێندن ویادی خواى گەورە.
التصنيفات
حوکمەکانی مزگەوت