فوائد الحديث

Имамот ен-Невеви рекол: „Хадисот поттикнува на забрзување со ифтарот откако ќе се потврди зајдисонцето. Неговото значење е дека состојбата на уметот ќе остане стабилна, и тие ќе бидат во добро сè додека се придржуваат кон овој Сунет. А доколку го одложуваат ифтарот, тоа ќе биде знак на расипаноста во која ќе западнат.“

Опстанокот на доброто кај луѓето е поврзан со следењето на Сунетот, додека расипаноста на состојбите доаѓа со неговото напуштање.

Разликување од следбениците на Книгата и новотарите, бидејќи тие го одложуваат ифтарот.

Ибн Хаџер рекол: „Во хадисот се појаснува причината за тоа.“ Мухеллеб вели: „Мудроста во забрзувањето на ифтарот е во тоа да не се додава дел од ноќта на денот, а и затоа што тоа е попогодно за постачот и му дава поголема сила за ибадет. Учените се согласни дека забрзувањето на ифтарот важи откако ќе се потврди зајдисонцето – било преку лично гледање, или преку сведоштво на двајца праведни лица, а според посилното мислење, доволно е и сведоштво на едно праведно лице."

Ибн Хаџер рекол: „Напомена: Една од опасните новотарии што се појавиле во нашево време е учењето на вториот езан (за сабахот) околу дваесет минути пред појавата на вистинската зора во месецот рамазан, како и гаснењето на светилките што служат како знак за престанок на јадењето и пиењето за оној што има намера да пости – со образложение од страна на тие што го вовеле ова дека тоа е ,претпазливост‘ во ибадетот. Меѓутоа, за тоа знаат само малкумина. Ова, пак, довело до друга новотарија – да не се рецитира езанот сè до одреден степен по зајдисонце, под изговор дека така се осигурува влегувањето на времето, па на тој начин го одложиле ифтарот, а го забрзале сехурот – што е спротивно на Сунетот. Затоа, кај нив се намалило доброто, а се зголемило злото. Аллах нека ни биде напомош.“