إعدادات العرض
B kõo maam yεl a nu, b pa reng n kõ-b ned mam taoor ye
B kõo maam yεl a nu, b pa reng n kõ-b ned mam taoor ye
Yii a Gεεbr ɭbnʿAbdʋllaah nengẽ, (Wẽnd yard be b yiibã yĩnga), tɩ Nabiyaamã, (Wẽnd pʋʋsg la A tɩlgr be a yĩnga), yeelame: «B kõo maam yεl a nu, b pa reng n kõ-b ned mam taoor ye, b sõnga maam ne pεlεng-yɩka kiuug kẽnd zĩigẽ, la b maan Tẽngã ne maam tɩ yaa miisri la yɩlgre, rẽnd ned ning fãa sẽn be mam poorẽ rãmbẽ wã, Pʋʋsg sẽn paam-a fãa, bɩ a pʋʋse, la b maan Ganiim arzεk tɩ ya halaal ne maam, la b ka maan-a tɩ yaa haalaal ne ned mam taoor ye, la b kõ maam Sugsgu, la nabiyaam fãa rag n tʋmsda a nebẽ wã toor zalle, la b tʋmsa maam nebã gill nengẽ».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Português Kurdî Kiswahili සිංහල አማርኛ Nederlands Tiếng Việt অসমীয়া Oromoo پښتو ગુજરાતી ไทย മലയാളം Română नेपाली Malagasy Deutsch తెలుగు Кыргызча ქართულიالشرح
Nabiyaamã kõo kibare (Wẽnd pʋʋsg la A tɩlgr be a yĩngɑ) tɩ ad Wẽnd kõo yẽnda yεl a nu, b pa reng n kõ-b nabiyaamã yẽ taoor ye: Rẽenemã: b sõnga maam ne pεlεn-yɩka, tɩ b lob-a mam bεεbã sũyã pʋgẽ, baa tɩ maam ne b sʋkã zãrem sẽn ta kiuug kẽnd zĩigẽ. Yiib soabã: b maana Tẽngã ne maam tɩ yaa miisri, tɩ tõnd pʋʋsd d sẽn beẽ fãa, la yɩlgr ne tom, b sẽn wat n kong koom wakato. Tãab soabã: b maan zabrã Ganiim arzεk tɩ yaa halaal ne tõndo, la yẽnda la lɩslaambã sẽn rɩkd b zabrẽ wã ne kɩfr-rãmbã. Naas soaba: b kõ maam Sugs kãsenga sẽn na peemes nebã n yi dũni yikr raarã yalsgã pelen-yɩkã. Nu soaba: b tʋmsa mamm bõn-naandsã gill nengẽ, b nebẽ la b zĩn-rãmbẽ, la woto yõsga ne mam taoor nabiyaam-rãmbã, b rag n tʋmsd-b-la b nebẽ wã toor zall bala.فوائد الحديث
Wilgdame tɩ sakdame tɩ yamb sõd Wẽnd neemã wã sẽn be a zugã, tɩ yaa kibar kõoni la Wẽnd bark pʋʋsg yĩngã.
Wilgda Wẽnd yɩɩdlemmã (A Naam yɩ wagell n zẽke) zãmã-kãngã la a Nabiyaamã zugu, ne yεl-kãensã sẽn welgã.
Wilgda sẽn yaa tɩlae tɩ b yik ne Pʋʋsgã a wakatẽ wã, sẽn yaa halhaal ning fãa, la b maan b sẽn tõe tεka, a sart-rãmbã la a zeng-raadã la a waagib-rãmbã.
Sugsg ningã b sẽn welg toor zall n kõ Nabiyaamã (Wẽnd pʋʋsg la A tɩlgr be a yĩngɑ), nabiyaam-rãmbã pʋgẽ wã, b yaa bugsi; b yembre: bõn-naandsã Sugsgu sẽn na n yɩl n kao bʋʋdã bãmb ne taab sʋka, la be a pʋgẽ: Sugsgu tɩ arzãn-rãmbã kẽ arzãnã, la be a pʋgẽ: Sugsg sẽn welg a sãmbiba Abɩɩ Ṭaalib yĩngã, tɩ b yols Bugmã nang a zugu, la ka a yiisg ye, bala a kiime n yaa kɩfre.
Nabiyaamã yel-welgdsã (Wẽnd pʋʋsg la A tɩlgr be a yĩngɑ) yaa wʋsgo, b ka sõdg-b haadiis-kãngã pʋg ye la sẽn be b pʋgẽ, b kõ-a-la gom muma, la pidsa nabiyaam-rãmbã ne-a, la b maan tõnd rulsã wala malεgse, la zẽng sẽn ka rẽnda sẽn yaa yεla.