إعدادات العرض
Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a
Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a
Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga) tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a yeelame: «Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a», T'a Abuu Saʿɩɩd maan yel-solemd ne gomdã, n yeele: yɩlm n togs-ma Wẽnd Tẽn-tʋʋmã, tɩ Nabiyaamã yɩlme, rẽ poorẽ tɩ Nabiyaamã yeele: «La bũmb a to n be tɩ Wẽnd zẽkd yambã dargε ne-a, arzãnã pʋg dargε koabga, dargε fãa ne a taab sʋka, yaa wala saaga la Tẽngã sʋka». La a Abuu Saʿɩɩd yeele, yaa bõe la rẽ, Wẽnd Tẽn-tʋʋma? La a yeel yã:«Yaa gɩhaadɩ zabr Wẽnd sorã pʋgẽ, yaa gɩhaadɩ zabr Wẽnd sorã pʋgẽ».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Tiếng Việt অসমীয়া Nederlands Kiswahili සිංහල ગુજરાતી Magyar ქართული Română Português ไทย తెలుగు मराठी دری አማርኛ Malagasy Македонски ភាសាខ្មែរ Українська ਪੰਜਾਬੀ پښتو Wolofالشرح
Nabiyaamã (Wẽnd pʋʋsg lɑ A tɩlgr be ɑ yĩngɑ) kõo a Abɩɩ Saʿɩɩd Al-ẖʋdriy kibare, (Wẽnd yard be a yĩnga) tɩ ned ning sẽn kõ sɩd ne Wẽnde, la a yard t'A yaa Soaba, n yaa tũuda, n yaa Soaala, la zu-Soaba, la Sagenda, la a yard lɩslaangã tɩ yaa dĩin sak-n-tũ la bas-n-tũ, a saglsã la a gɩdgrã, la a Mʋhammad (Wẽnd pʋʋsg lɑ A tɩlgr be ɑ yĩngɑ) tɩ yaa Nabiyaama, n kõ sɩd ne b sẽn tʋms-a ne bũmb ningã la a taasã, arzãn tabenda ne-a. T'a Abɩɩ Saʿɩɩd sũur yɩ noog ne a gomdã, (Wẽnd yard be a yĩnga) la a leb n yeel tɩ Nabiyaamã leb n yɩlm t'a kelge, tɩ Nabiyaamã yɩlme, rẽ poorẽ tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: mam leb n tara bũmb a to, tɩ Wẽnd zẽkd yamb dargε ne-a arzãnã pʋgẽ noor koabga, dargε a yiib ne a to sʋk yaa wala sẽn be saasã la Tẽngã. T'a Abɩɩ Saʿɩɩd yeele: yaa bõe la rẽ Wẽnd Tẽn-tʋʋma? T'a yeele: ad yaa gɩhaadɩ zabr Wẽnd sorã pʋgẽ, yaa gɩhaadɩ zabr Wẽnd sorã pʋgẽ.فوائد الحديث
Yεl nins sẽn na n kɩt tɩ ned kẽ arzãnã pʋgẽ, yaa yard ne Wẽnd tɩ yaa Soaba, la lɩslaangã tɩ yaa dĩini, la a Mʋhammade (Wẽnd pʋʋsg lɑ A tɩlgr be ɑ yĩngɑ) tɩ yaa Nabiyaama.
Yaa gɩhaadɩ wã zabr Wẽnd sorã pʋga zɩsgre (A Naam yɩ wagelle).
Wilgda gɩhaadɩ zabd dargε zẽkr arzãnã pʋgẽ.
Arzãnã pʋgẽ, dargε-rãmb n be beenẽ, n ka tõe n sõd ye, la zĩis sẽn ka tõe n bãng b tεka, la gɩhaadɩ zabdbã tara dargε-rãmb koabg a pʋgẽ.
Wilgda Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) sahaabsã sẽn nong n rat n bãng yεl-sõmã wã, la b ragnoyã la b sabab-rãmbã.