إعدادات العرض

إخفاء الهيدر

إخفاء الفوتر

الوضع الليلي

Descriptions of Paradise and Hell

Descriptions of Paradise and Hell

1- , Wẽnd kẽed-a-la arzãna a sẽn tʋg n tʋm tɩ yaa a soab fãa gilli

2- ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã

3- ned ning sẽn kõ a maam bas-m-yam ne bũmb ning sẽn be a ye-peed a yiibã sʋka la a nao a yiibã sʋka, m kõt-a-la bas-m-yam ne arzẽnã

4- Arzãnɑ pẽe ne yãmb ned fãɑ n yɩɩd ɑ neoodrã yʋlgɑ, lɑ Bugmã me yɑɑ wɑlɑ rẽ

5- B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã

6- B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo

7- wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga

8- B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã

9- «Yãwã yaa kugr b sẽn lob Bugmã pʋga hal yʋʋm tus-pis-yopoe, masa la a lʋɩt Bugmã pʋgẽ, n tãag a tεkẽ wã

10- Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole

11- Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae

12- Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã?

13- Arzãn koambã sã n kẽ arzãna, Wẽnd yetame (A Naam zẽk yã): yãmb rata bũmb tɩ M paas-y bɩɩ?

14- Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ

15- Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye

16- B na n waa ne kũum t’a wõnd pesg sẽn tẽgse

17- Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre

18- Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye