Ölüm, ağ-qara qoç şəklində gətiriləcək

Ölüm, ağ-qara qoç şəklində gətiriləcək

Əbu Səid Əl Xudridən (Allah ondan razı olsun) Allah rəsulunun (Allahın salavatı və salamı onun üzərinə olsun) belə dediyi rəvayət edilir: "Ölüm, ağ-qara qoç şəklində gətiriləcək və mələk səslənəcək: " Ey Cənnət əhli!" və onlar başlarını qaldırıraq baxacaqlar, mələk deyəcək: "Bunu tanıyırsınızmı? Onlar - Bəli, bu ölümdür - deyəcəklər, hamı onu artıq dadmışdır. Sonra mələk səslənəcək: - "Ey cəhənnəm əhli"- və onlar başlarını qaldırıb baxacaqlar, sonra isə mələk onlara deyəcək: "Bunu tanıyırsınızmı?" Onlar - Bəli, bu ölümdür - deyəcəklər, hamı onu artıq dadmışdır. Sonra bu qoç kəsiləcək və mələk deyəcək: Ey cənnət əhli, artıq ölüm yox, əbədilik var. Ey cəhənnəm əhli, artıq ölüm yox, əbədilik var." Ardınca Allah rəsulu (Allahın salavatı və salamı onun üzərinə olsun) bu ayəni oxudu: "Sən onları işin bitmiş olacağı peşmançılıq günü ilə qorxut! İndi onlar hələ qəflətdədirlər və iman gətirmirlər."[Məryəm ,39]

[Səhih] [Müttəfəqun aleyhi(əl-Buxari və Musliminsəhih gördüyü hədislər)]

الشرح

Allah rəsulu (Allahın salavatı və salamı onun üzərinə olsun) bəyan edir ki, Qiyamət günü ölüm erkək ağ-qara qoç şəklində gətriləcək, Və " Ey Cənnət əhli!" -deyə çağrılırlar və onlar boyunlarını uzadıb, başlarını qaldırıb baxırlar. Və mələk onlara deyir: Bunu tanıyırsınızmı?! Onlar - Bəli, bu ölümdür - deyəcəklər, hamısı onu görüb tanımışdır. Sonra mələk: - "Ey cəhənnəm əhli"- deyə çağırır və onlar boyunlarını uzadıb, başlarını qaldırıb baxırlar. və onlara deyir: "Bunu tanıyırsınızmı?!" Onlar - Bəli, bu ölümdür - deyəcəklər, hamısı onu görüb tanımışdır. Sonra bu qoç kəsilir və mələk deyir: Ey cənnət əhli, artıq ölüm yox, əbədilik var. Ey cəhənnəm əhli, artıq ölüm yox, əbədilik var. Bu, möminlərin nemətini, kafirlərin isə əzabını artırmaq üçündür. Sonra Allah rəsulu (Allahın salavatı və salamı onun üzərinə olsun) bu ayəni oxudu: "Sən onları işin bitmiş olacağı peşmançılıq günü ilə qorxut! İndi onlar hələ qəflətdədirlər və iman gətirmirlər."[Məryəm ,39] Və Qiyamət günü cənnət əhli ilə cəhənnəm əhli bir- birindən ayrılacaq. Hər biri, əbədi qalacaqları yerə daxil olacaq. Pis əməl sahibi xeyir əməllər etmədiyinə görə , səhlənkar davranan isə əməllərini artırmadığına görə peşman olacaq.

فوائد الحديث

İnsanın axirətdəki aqibəti, Cənnət və ya Cəhənnəmdə əbədi qalmasıdır.

Qiyamət gününün dəhşətindən şiddətli çəkindirmə. O gün peşmançılıq və kədər günüdür.

Cənnət əhlinin sevincinin, cəhənnəm əhlinin hüznünün davamlı olması

التصنيفات

Axirət gününə iman, Cənnət və Cəhənnəmin vəsfləri, Ayələrin təfsiri