الشرح

ئەم فەرموودەیە ئاگادارکردنەوەیەکی توندی تێدایە بۆ ئەو کەسەی کە فەرمان بە چاکە دەکات وخۆی ئەنجامی نادات، ونەهی لە خراپە دەکات وخۆی ئەنجامی دەدات، پەنا بە خودا. فریشتەکان پیاوێک فڕێ دەدەنە نێو دۆزەخەوە وەکو فڕێدانى بەرد، بەهۆی ئەم فڕێدانەوە ڕیخۆڵەکانى دەردەچێت وبە دەوریدا سوڕ دەخۆن هەروەکو چۆن گوێدرێژ بە دەوری ئاشەواندا سووڕ دەدرێت، وئەهلی دۆزەخ لە لای کۆ دەبنەوە، دەڵێن: ئەوە چیە؟ چی تۆی هێنا بۆ ئێرە، تۆ فەرمانت بە چاکە ونەهیت لە خراپە دەکرد؟ ودان بەوەدا دەنێت لە سەر نەفسی خۆی: فەرمانم بە چاکە دەکرد وخۆم ئەنجامم نەدەدا، ونەهیم لە خراپە دەکرد وخۆم ئەنجامم دەدا، پێویستە مرۆڤ سەرەتا لە خۆیەوە دەستپێبکات فەرمانى پێبکات بە چاکە وئەنجامی بدات، ونەهی لێبکات لە خراپە وئەنجامی نەدات، چونکە ئەو کەسەی زۆر مافى هەیە بە سەرتەوە لە پاش پێغەمبەر -صلى الله علیه وسلم- بریتیە لە نەفسی خۆت.