الشرح

На Усама бин Зејд, Аллах нека е задоволен со него, му било речено: „Зошто не одиш кај Осман бин Афан, Аллах нека е задоволен со него, и не разговараш со него за фитната што се појави меѓу луѓето, за да се потрудиш целосно да ја изгаснеш?“ Тој одговорил дека веќе разговарал со него насамо, барајќи го доброто, а не разгорување на фитната. Неговата цел била да не го осудува јавно пред луѓето, бидејќи тоа би можело да доведе до омаловажување на халифот, а тоа е врата кон фитната и злото – врата што не сака да биде првиот што ќе ја отвори. Потоа Усама, Аллах нека е задоволен со него, додал дека ги советува владетелите насамо, без ласкање и лицемерие, дури и ако се емири, и дека не ги фали лажно. Ова го прави откако го слушнал Божјиот пратеник, салаллаху алејхи ве селем, како вели дека на Судниот ден ќе биде доведен човек и ќе биде фрлен во Огнот. Неговите црева ќе излезат брзо, поради силната жештина и жестоката казна, и тој ќе се врти околу нив во Огнот, како што магарето се врти околу мелницата. Тогаш жителите на Огнот ќе се соберат околу него, формирајќи круг, и ќе го прашаат: „О, ти, зарем не беше од оние кои го наредуваа доброто и го забрануваа злото?“ Тој ќе одговори: „Да, јас наредував на доброто, но не го правев, и го забранував злото, но самиот го правев.“