إعدادات العرض
Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-
Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-
Ngani jikupitila kwa Abi Huraira-chisangalalo cha Mlungu chijale kwa welewo-wawapikene nganiji kutyochela kwa Mtume jwa Mlungu-chanasa ni utendele wa Mlungu ijaule kwa Mtumejo-wawatite kuti: "Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-kuti ajawule ku Mbepo, Mlungu ni watite kuti: mjaule nkajilole Mbepo nambo soni yanalinganyichisye watakajinjile kweleko. Ni Jubril -utendele uwe pa jwelejo-wapite kujakulola ni wausile,niwatite kuti: ngulumbilila uchimbichimbi wenu! pangali mundu jwampaka apikane ya Mbepo jeleji,nakaweje kuti tachisosa kwinjilako.Mlungu ni walamwile kuti Mbepojo ajisungusye ni ikandu yakusitopa mundu kuipanganya,kaneko Mlungu ni wamtesile Jubril-utendele uwe kwa jwelejo-kuti: mjaule nkalole Mbepo pamo ni yanalinganyichisye watakajinjile ku Mbepoko, niwapite kujakulola,ni wajiweni kuti jisungulisidwe ni masengo gakusitopa (gasagaona mundu usito kugapanganya),ni Jubril-utendele uwe pa jwelejo -watite: ngulumbilila uchimbichimbi wenu! ngwete oga wanti mundu jwalijose nawa akombwele kwinjila ku Mbepoko. Mlungu ni wantesile Jubril-utendele uwe pa jwelejo kuti: mjaule ku Moto ni nkaulole pamo ni ilagasyo yanalinganyichisye watakajinjile kweleko.Ali apite nikulola, wausimene Moto unamkwelana lilamba mbali syosope, ni Jubril-utendele uwe pa jwelejo-waujile kwa Mlungu nikwecheta kuti: ngulumbilila uchimbichimbi wenu! pangali mundu jwatachisosa kwinjilako.Kaneko Mlungu walamwile kuti Motowo ausungusye ni ilako lako(yakunonyela ya umi-sambi) ni wantesile Jubril-utendele uwe pa jwelejo-ajaule nakaulole soni. Ali apite wausimene Motowo usungulisidwe ni yakunonyela ya umi(sambi), ni waujile kwa Mlungu niwawechete kuti: ngulumbilila uchimbichimbi wenu!ngwete oga wanti pangali mundu jutachikulupuka ,nakaweje kuti mundu jwalijose tachijinjilako".
الترجمة
العربية English မြန်မာ Svenska Čeština ગુજરાતી አማርኛ Yorùbá Nederlands اردو Español Bahasa Indonesia ئۇيغۇرچە বাংলা Türkçe Bosanski සිංහල हिन्दी Tiếng Việt Kurdî Hausa മലയാളം తెలుగు Kiswahili ไทย پښتو অসমীয়া Shqip دری Ελληνικά Български Fulfulde Italiano ಕನ್ನಡ Кыргызча Lietuvių Malagasy or Română Kinyarwanda Српски тоҷикӣ O‘zbek नेपाली Moore Oromoo Wolof Soomaali Tagalog Français Azərbaycan Українська Português bm தமிழ் Deutsch ქართული Македонски فارسی Magyar Русский 中文الشرح
Mtume-chanasa ni utendele wa Mlungu iwe pa jwelejo-akusala kuti panyuma pawagumbile Mlungu Mbepo ni Moto,watite kwa Jubril-utendele uwe pa jwelejo-kuti: mjaule ku Mbepo, ni nkajilole,ni Jubril-utendele uwe pa jwelejo-wapite kujakujilola kaneko ni wausile. Jubril-utendele uwe pa jwelejo watite: mwe Ambuje Mlungu!watite kuti: ngulumbilila uchimbichimbi wenu!pangali mundu jwatachipikana yakwayana Mbepoji ni yaikupatikana ku Mbepoko mu utendele wakwe,uchimbichimbi,indu yambone,nakaweje kuti tachinonyela kuti takajinjileko, ni tachikamulaga masengo gambone ligongo lya Mbepoji. Kaneko Mlungu wajisungwisye Mbepojo ni masengo gakupweteka ni gakusitopa kugapanganya, sawu kutenda yalamwile Mlungu nikuwambala yakanyisye;sano kwa mundu jwakusaka kujakwinjila ku Mbepojo, akusosekwa kumalana nayo yakupwetekayo. Kaneko Mlungu wawechete kuti :Ee mwe Jubril! mjaule nkajilole Mbepo, panyuma pakujisungulisya ni yakupweteka. Jubril-utendele uwe pa jwelejo- ni wapite nikujilola, kaneko wausile ni watite kuti:Ee Ambuje mwauchimbichimbi wenu,ngogopa kuti pangali mundu jumpaka akombole kwinjila ku Mbepoji ligongo lya yakusausya ni yakupweteka yaikusimanikwa mwitala lyakujakwinjilila ku Mbepolyo. Pa ndawi jawagumbile Mlungu Moto,wawechete kwa Jubril-utendele uwe pa jwelejo-kuti: mwe Jubril! mjaule ku Moto ni nkaulole, wapite ni wauweni. Kaneko Jubril-utendele uwe pa jwelejo-wausile ni watite kuti : Ee mwe Ambuje! mwa uchimbi chimbi wenu, pangali mundu jwatachipikana ya ilagasyo,mavuto, yaili ku Moto nakaweje kuti tiyimyala kuti tajinjileko, ni tachitalikanganaga ni masengo gampaka gakamjinjisye ku Motoko. Kaneko Mlungu wausungwisye Moto ni walitesile litala lyakujakwinjilila ku Motoko kuwa lyesungulilidwe ni ilako lako ni ikandu yakulyolyopela,kaneko wawechete kuti: mwe Jubril,mjaule ni mkaulole soni Moto. Jubril-utendele uwe pa jwelejo-wapite ni wauweni,kaneko waujile kwa Mlungu ni wawechete kuti: Ambuje Mlungu! mwa uchimbichimbi wenu, nditu ngogopa ndi ngutenda chanasa kuti pangali mundu jutachikulupuka kutyochela ku Moto,ligongo lya ilako lako ni yakulyolyopela yaisungulisidwe ku Motoko.فوائد الحديث
Kulupulila kuti Mbepo ni Moto ipali pepano.
Kanganichisidwa kwakulupilila ikandu yangawoneka ni meso, nambo soni ni yosope yayawiche yakwayana ni Mlungu ni Mtume jwakwe-chanasa ni utendele wa Mlungu iwe pa Mtumejo.
Kusosekwa kwa kupilila pa ichindu yakupweteka,ligongo liwele litala lyakujakuw'wichisya mundu ku Mbepo.
Kusosekwa kwa kuwambala ichindu yelekasidwe; ligongo iwele litala lyakujakuw'wichisya mundu ku Moto.
Mlungu wajitesile Mbepo kuwa jakusungulilidwa ni masengo gakupweteka, nikutenda Moto kuwa wakusungulilidwa ni yakuonyela(ilakolako) ya umi,yeleyi ikugopolela kuti umi wapa chilambo cha pasi,gawele mayeso gakumlinga mundu.
Litala lyakujakwinjilila ku Mbepo,lyakusausya nikunonopala,ni ikusasosa kupilila nikamuchisidwa ni chikulupililo. Nikuti litala lyakujakwinjilila ku Moto,ligumbele ni yakulyolyopela ni yakusaka(yakumbila) ya umi wa pachilambo cha pasi.