الشرح

ਨਬੀ ਕਰੀਮ (ਸੱਲੱਲਾਹੁ ਅਲੈਹਿ ਵਸੱਲਮ) ਨੇ ਦੱਸਿਆ ਕਿ ਜਦ ਅੱਲਾਹ ਨੇ ਜੰਨਤ ਅਤੇ ਦੋਜ਼ਖ ਨੂੰ ਪੈਦਾ ਕੀਤਾ, ਤਾਂ ਉਨ੍ਹਾਂ ਨੇ ਜਿਬਰਾਈਲ ਅਲੈਹਿਸ ਸਲਾਮ ਨੂੰ ਫਰਮਾਇਆ: "ਜਾ ਕੇ ਜੰਨਤ ਨੂੰ ਵੇਖ।" ਤਾਂ ਉਹ ਗਏ, ਉਨ੍ਹਾਂ ਨੇ ਜੰਨਤ ਨੂੰ ਦੇਖਿਆ ਅਤੇ ਫਿਰ ਵਾਪਸ ਆ ਗਏ... ਤਾਂ ਜਿਬਰਾਈਲ ਨੇ ਅਰਜ ਕੀਤਾ: "ਏ ਮੇਰੇ ਰੱਬ! ਤੇਰੀ ਇਜ਼ਤ ਦੀ ਕਸਮ, ਕੋਈ ਵੀ ਜੰਨਤ ਅਤੇ ਉਸ ਵਿੱਚ ਮੌਜੂਦ ਨੇਮਤਾਂ, ਇਜ਼ਤਾਂ ਅਤੇ ਭਲਾਈਆਂ ਬਾਰੇ ਸੁਣ ਲਵੇ, ਤਾਂ ਉਹ ਜਰੂਰ ਇਸ ਵਿੱਚ ਦਾਖ਼ਲ ਹੋਣ ਦੀ ਇੱਛਾ ਕਰੇਗਾ ਅਤੇ ਉਸ ਨੂੰ ਹਾਸਿਲ ਕਰਨ ਲਈ ਅਮਲ ਵੀ ਕਰੇਗਾ।" ਫਿਰ ਅੱਲਾਹ ਨੇ ਜੰਨਤ ਨੂੰ ਮੁਸ਼ਕਲਾਂ ਅਤੇ ਤਕਲੀਫਾਂ ਨਾਲ ਘੇਰ ਦਿੱਤਾ — ਹੁਕਮਾਂ ਦੀ ਪਾਬੰਦੀ ਅਤੇ ਮਨਾਅ ਕੀਤੀਆਂ ਚੀਜ਼ਾਂ ਤੋਂ ਬਚਣਾ। ਇਸ ਕਰਕੇ ਜੋ ਕੋਈ ਜੰਨਤ ਵਿੱਚ ਦਾਖਲ ਹੋਣਾ ਚਾਹੇ, ਉਸ ਨੂੰ ਇਨ੍ਹਾਂ ਮੁਸ਼ਕਲਾਂ ਨੂੰ ਪਰ ਕਰਨਾ ਪਵੇਗਾ। ਫਿਰ ਅੱਲਾਹ ਅਜ਼ਜ਼ਾ ਵ ਜੱਲ ਨੇ ਫ਼ਰਮਾਇਆ: "ਏ ਜਿਬਰਾਈਲ! ਜਾ ਕੇ ਜੰਨਤ ਨੂੰ ਮੁੜ ਵੇਖ, ਜਦ ਮੈਂ ਇਸਨੂੰ ਮੁਸ਼ਕਲਾਂ ਅਤੇ ਤਕਲੀਫਾਂ ਨਾਲ ਘੇਰ ਦਿੱਤਾ ਹੈ।" ਤਾਂ ਜਿਬਰਾਈਲ ਗਏ ਅਤੇ ਜੰਨਤ ਨੂੰ ਵੇਖਿਆ, ਫਿਰ ਵਾਪਸ ਆਏ ਅਤੇ ਅਰਜ ਕੀਤਾ: "ਏ ਮੇਰੇ ਰੱਬ! ਤੇਰੀ ਇਜ਼ਤ ਦੀ ਕਸਮ, ਮੈਨੂੰ ਡਰ ਹੈ ਕਿ ਕੋਈ ਵੀ ਇਸ ਵਿੱਚ ਦਾਖਲ ਨਹੀਂ ਹੋ ਸਕੇਗਾ, ਕਿਉਂਕਿ ਇਸ ਤਕ ਪਹੁੰਚਣ ਦਾ ਰਾਸਤਾ ਤਕਲੀਫਾਂ ਅਤੇ ਮੁਸ਼ਕਲਾਂ ਨਾਲ ਭਰਿਆ ਹੋਇਆ ਹੈ।" ਜਦੋਂ ਅੱਲਾਹ ਨੇ ਦੋਜ਼ਖ ਨੂੰ ਪੈਦਾ ਕੀਤਾ, ਤਾਂ ਉਸ ਨੇ ਫਰਮਾਇਆ: "ਏ ਜਿਬਰਾਈਲ! ਜਾ ਕੇ ਦੋਜ਼ਖ ਨੂੰ ਵੇਖ।"ਤਾਂ ਉਹ ਗਏ ਅਤੇ ਦੋਜ਼ਖ ਨੂੰ ਵੇਖਿਆ। ਫਿਰ ਜਿਬਰਾਈਲ ਵਾਪਸ ਆਏ ਅਤੇ ਅਰਜ ਕੀਤਾ: "ਏ ਮੇਰੇ ਰੱਬ! ਤੇਰੀ ਇਜ਼ਤ ਦੀ ਕਸਮ, ਜੋ ਵੀ ਦੋਜ਼ਖ ਵਿੱਚ ਮੌਜੂਦ ਅਜ਼ਾਬ, ਤਕਲੀਫਾਂ ਅਤੇ ਸਖ਼ਤ ਸਜ਼ਾਵਾਂ ਬਾਰੇ ਸੁਣੇਗਾ, ਉਹ ਜ਼ਰੂਰ ਇਸ ਤੋਂ ਨਫ਼ਰਤ ਕਰੇਗਾ ਅਤੇ ਇਸ ਵਿਚ ਪੈਣ ਵਾਲੀਆਂ ਵਜ੍ਹਿਆਂ ਤੋਂ ਦੂਰ ਭੱਜੇਗਾ।" ਫਿਰ ਅੱਲਾਹ ਅਜ਼ਜ਼ਾ ਵ ਜੱਲ ਨੇ ਦੋਜ਼ਖ ਨੂੰ ਖਾਹਸ਼ਾਂ ਅਤੇ ਲਜ਼ਤਾਂ ਵਾਲੀ ਚੀਜ਼ਾਂ ਨਾਲ ਘੇਰ ਦਿੱਤਾ,ਅਤੇ ਫਰਮਾਇਆ: "ਏ ਜਿਬਰਾਈਲ! ਹੁਣ ਜਾ ਕੇ ਮੁੜ ਦੋਜ਼ਖ ਨੂੰ ਵੇਖ।" ਜਿਬਰਾਈਲ ਗਏ ਅਤੇ ਦੋਜ਼ਖ ਨੂੰ ਵੇਖਿਆ, ਫਿਰ ਵਾਪਸ ਆ ਕੇ ਅਰਜ ਕੀਤਾ: "ਏ ਮੇਰੇ ਰੱਬ! ਤੇਰੀ ਇਜ਼ਤ ਦੀ ਕਸਮ, ਮੈਨੂੰ ਡਰ ਹੈ, ਡਰ ਹੈ ਅਤੇ ਅੰਦਰੋਂ ਹੌਸਲਾ ਵੀ ਨਹੀਂ ਹੈ ਕਿ ਕੋਈ ਵੀ ਇਸ ਤੋਂ ਬਚ ਸਕੇ, ਕਿਉਂਕਿ ਇਸ ਦੇ ਆਲੇ-ਦੁਆਲੇ ਜੋ ਖਾਹਸ਼ਾਂ ਅਤੇ ਲਜ਼ਤਾਂ ਹਨ, ਉਹ ਬਹੁਤ ਪੱਕੀਆਂ ਹਨ।"