الشرح

ណាពី ﷺ លោកបានប្រាប់ថា ក្នុងពេលដែលអ្នកឋានសួគ៌កំពុងតែសោយសុខនឹងបរមសុខនៅក្នុងឋានសួគ៌ មានអ្នកប្រកាសម្នាក់បានប្រកាសប្រាប់ពួកគេថា៖ ពិតប្រាកដណាស់ ពួកអ្នកនឹងមានសុខភាពល្អជារៀងរហូត ដោយពួកអ្នកនឹងមិនមានជំងឺឈឺថ្កាត់ទៀតឡើយនៅក្នុងឋានសួគ៌នេះ សូម្បីតែបន្តិចក៏ដោយ។ ពួកអ្នកនឹងមានជីវិតជារៀងរហូតដោយពួកអ្នកនឹងមិនស្លាប់ទៀតឡើយនៅក្នុងឋានសួគ៌នេះ សូម្បីតែការគេងដែលជាការស្លាប់តូចនោះក៏គ្មានដែរ។ ពួកអ្នកនឹងនៅជាក្មេងជំទង់ នៅជាយុវវ័យជារៀងរហូតដោយពួកអ្នកនឹងមិនចាស់ឡើយនៅក្នុងឋានសួគ៌នេះ។ ហើយពួកអ្នកនឹងរីករាយនិងសោយសុខជារៀងរហូតដោយពួកអ្នកនឹងមិនមានទុក្ខព្រួយ ឬការខ្វល់ខ្វាយណាមួយទៀតឡើយនៅក្នុងឋានសួគ៌នេះ។ អល់ឡោះជាម្ចាស់ទ្រង់បានមានបន្ទូលថា៖ “ونُودُوا أنْ تلكم الجنة أورثتموها بما كنتم تعملون” (ហើយពួកយើងត្រូវបានគេប្រកាសប្រាប់ថា៖ ឋានសួគ៌នេះត្រូវបានគេផ្ដល់វាឱ្យពួកអ្នកដោយសារតែអ្វីដែលពួកអ្នកបានសាង)។ (អាល់អាក់រ៉ហ្វ៖៤៣)។