الشرح

नबी (सल्लल्लाहु अलैहि वसल्लम) ले नरकमा जाने दुई प्रकारका मानिसहरूदेखि सावधान रहन चेतावनी दिनुभएको छ, जसलाई उहाँले देख्नुभएन किनकि तीनीहरु उहाँको समयमा थिएन, बरु उहाँपछि हुनेछन्: पहिलो: गाईको पुच्छर जस्तै लामो कोर्रा भएका मानिसहरू, जसले मानिसहरूलाई पिट्ने छन् । उनीहरु प्रहरी र दमनकारीका दलालहरू हुन्, जसले सोझासाझा जनतामाथि अन्याय गर्नेछन् । दोस्रो: बेशरम र निर्लज्ज महिलाहरू; जसले पवित्रता र हयाको लुगा हटाएका छन्, जुन सामान्यतया महिलाहरूको लागि जन्मजात हुन्छ । उहाँले तिनीहरूलाई यसरी वर्णन गर्नुभयो: वास्तविकतामा लुगा लगाएको, तर वास्तवमा नग्न; किनभने तिनीहरू फेशन र सुन्दरताको चक्करमा पातलो र पारदर्शी लुगा लगाउँछन् जसले भित्रको छाला देखिन्छ र आफ्नो शरीरको केही भाग छोप्छन् र केही भाग छोप्दैनन् । तिनीहरू मानिसहरूको मुटुलाई आफ्नो लुगा र हिंडाइले आफूतिर आकर्षित गर्छन्, तिनीहरू हिँड्दा आफ्नो काँधमा झुक्छन् र अरूलाई झुकाउँछन् र अनैतिक कुरामा लगाउछन् । तिनीहरूको पहिचान भनेको : तिनीहरूको टाउको ऊँटको जुरो जस्तै झुकेको हुन्छ, त्यसैले तिनीहरूले आफ्नो टाउकोको आकारलाई कपाललाई बेरेर ठूलो बनाउँछन् । तिनीहरूको कपाल र चुल्ठो तिनीहरूको टाउको माथि उठेको र जसरी ऊँटको जुरो एकतिर झुकेको हुन्छ त्यसरी नै तिनीहरूको कपाल र चुल्ठो झुकेकोले ऊँटको जुरोसँग तुलना गरिएको छ । तसर्थ जो कोहीमा यी गुणहरू छन्, ऊ यस हदीसमा भनिएको धम्कीको भागिदार हो, तिनीहरू स्वर्गमा प्रवेश गर्नेछैनन्, न त्यसको नजिक जाने छन् न यसको सुगन्ध सुँघ्नेछन्, जबकि स्वर्गको सुगन्ध टाढाबाट आउँछ ।