Dabkiinu waa hal qayb oo ka mida todobaatan qaybood oo Naarta Jahanama ah

Dabkiinu waa hal qayb oo ka mida todobaatan qaybood oo Naarta Jahanama ah

Abii Hureyra Allaha ka raali ahaade waxaa laga wariyey in Rasuulka Ilaahay nabadgelyo iyo naxariis Allaha siiyee uu yiri: Dabkiinu waa hal qayb oo ka mida todobaatan qaybood oo Naarta Jahanama ah, waxaa lagu yiri Rasuulka Ilaahayow, dabkaan ayaa ku filan. wuxuu yiri: waxay ka sii badan tahay sagaal iyo lixdan qaybood oo dhamaantood kulaylkeeda oo kale wada leh.

[Xadiis Saxiix ah] [Xadiis la isku waafaqay]

الشرح

Nabiga nabadgelyo iyo naxariis Allaha siiyee wuxuu sheegay dabka aan shidano inuu yahay qayb ka mida todobaatan qaybood oo Naarta Jahanama ka mid ah. Naarta Aakhiro kulaylkeedu wuxuu ka badan yahay dabka Aduunka sagaal iyo lixdan jeer, oo qayb kastana u dhiganto kulaylka dabka Aduunka. Waxaa lagu yiri: Rasuulka Ilaahayow, Naarta Aduunka ayaa ugu filan cadaab cidii gelaysa. Wuxuu yiri: Naarta Jahanama waa laga siyaadiyey kulaylka dabka Aduunka sagaal iyo lixdan jeer oo dhamaantood kulaykoodu iyadoo kale yahay.

فوائد الحديث

waxaa la isaga digay Naarta si dadku uga fogaadan samaynta ficilada Naarta lagu mutaysto.

Xadiiska waxaa ku sugan weynaanta Naarta Jahanama iyo cadaabkeeda, iyo kuleylkeeda oo daran.

التصنيفات

Maalinta Qiyaame oo la rumeeyo, Sifooyinka Janada iyo Naarta