သင်သည် မတရားပြုသည့်ညီနောင် သို့မဟုတ် မတရားပြုခံရသည့်ညီနောင်ကို ကူညီပါ

အနတ်စ်ဗင်န်မာလိက်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ သင်သည် မတရားပြုသည့်ညီနောင် သို့မဟုတ် မတရားပြုခံရသည့်ညီနောင်ကို ကူညီပါ။ ထိုအခါ ပုဂ္ဂိုလ်တစ်ဦးက အို အလ္လာဟ်အရှင်မြတ်၏ ရစူလ်တမန်တော် မတရားပြုခံရသည့်ညီနောင်ကို ကျွန်တော်ကူညီပါမည်။ မတရားပြုသည့်ညီနောင်ကို ကျွန်တော်မည်သို့ကူညီရမည်နည်း။ ထိုအခါ ကိုယ်တော်က မိန့်ကြားတော်မူသည်မှာ ၎င်းအားမတရားမှုမှ တားဆီးပါ။ ဤသည်ပင် ၎င်းအားကူညီခြင်းဖြစ်သည်။

[صحيح] [رواه البخاري]

حفظ

حفظ الحديث بصيغة PDF

الشرح

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် မွတ်စ်လင်မ်တစ်ဦးအား မိမိ၏အခြားမွတ်စ်လင်မ်ညီနောင်ကို မတရားသူဖြစ်စေ၊ မတရားခံရသူဖြစ်စေ ကူညီရန် အမိန့်ပေးတော်မူခဲ့သည်။ ထိုအခါ အမျိုးသားတစ်ဦးက- အို- အလ္လာဟ်၏ ရစူလ်တမန်တော်၊ သူသည် မတရားခံရသူဖြစ်ပါက သူ့ထံမှမတရားမှုကို ကာကွယ်ဖယ်ရှားဖြင့် ကူညီရမည်ကို (နားလည်ပါသည်။) သို့သော် သူသည် မတရားသူ ဖြစ်နေပါက ကျွန်တော်မျိုးသူ့အား မည်သို့ကူညီရမည်နည်း" ဟု လျှောက်ထားမေးမြန်းခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အဖြေပေးတော်မူခဲ့သည်မှာ- "သင်သည် သူ့အား တားမြစ်ခြင်း၊ သူ၏လက်နှစ်ဖက်ကို ချုပ်ကိုင်ခြင်း၊ သူ့အား ထိန်းသိမ်းခြင်းနှင့် မတရားမှုကို ကျူးလွန်ခြင်းမှ သူ့အားတားဆီးခြင်းတို့ဖြင့် ကူညီရမည်။ ဤသို့ပြုလုပ်ခြင်းသည် သူ့အား ရှိုင်တွာန်နှင့် မကောင်းမှုသို့ တွန်းအားပေးသော သူ၏ကိုယ်တွင်းစိတ်ဆန္ဒ (နဖ်စ်)အပေါ် အောင်နိုင်စေခြင်းပင် ဖြစ်၏။

فوائد الحديث

မွတ်စ်လင်မ်များအကြား အီမာန်ယုံကြည်ခြင်းအရ ညီ‌နောင်တော်စပ်ရခြင်း၏ အခွင့်အရေးများအနက် အခွင့်အရေးတစ်ရပ်အပေါ် သတိပေးထားခြင်း။

မတရားသူ၏လက်ကို ချုပ်ကိုင်ခြင်း၊ သူ့အား မတရားမှုမှ တားဆီးခြင်း။

အစ္စလာမ်သည် ဂျာဟိလိယသ်အမှောင်ခေတ်၏ အယူအဆများကို ဆန့်ကျင်ခြင်း။ အကြောင်းမှာ ထိုခေတ်က လူများသည် မိမိတို့အသိုင်းအဝိုင်း၏ မည်သူမဆို မတရားခံရသူဖြစ်စေ၊ အခြားသူများကို မတရားကျူးလွန်သူများဖြစ်စေ ကူညီခဲ့ကြသည်။

التصنيفات

မွတ်စ်လင်မ် လူ့အဖွဲ့အစည်း။

သင်သည် မတရားပြုသည့်ညီနောင် သို့မဟုတ် မတရားပြုခံရသည့်ညီနောင်ကို ကူညီပါ

သင်သည် မတရားပြုသည့်ညီနောင် သို့မဟုတ် မတရားပြုခံရသည့်ညီနောင်ကို ကူညီပါ

البوابات الدعوية

التعريف بالإسلام

تعليم المهتدين الجدد

نشر وتعليم القرآن

تطوير مهارات الدعاة