فوائد الحديث

सपना (रुया र हुल्म) ती कुराहरू हुन्, जुन मानिसले निद्रामा देख्छ। तर सामान्यतया "रुया" शब्द राम्रो र सुखद कुराहरूको लागि प्रयोग गरिन्छ, जबकि "हुल्म" शब्द खराब र अप्रिय कुराहरूको लागि प्रयोग गरिन्छ। यद्यपि, यी दुबै शब्दहरू कहिलेकाहीँ एक-अर्काको सट्टामा पनि प्रयोग गरिन्छ।

सपनाका प्रकारहरू: १- सत्य सपना : यो एउटा सत्य र शुभ सपना हो, जुन अल्लाहबाट प्राप्त हुन्छ। मानिस आफैं देख्छ वा अरूले उसको लागि यस्तो सपना देख्छन्। 2- मनको वार्ता : यो ती कुरा हुन्, जसबारे व्यक्तिले जागेको अवस्थामै सोचिरहेको हुन्छ, र त्यसकै प्रभावले सपना देखिन्छ।

3- शैतानको उद्देश्य मानिसलाई दुःखी र डराउनु हो। ऊ विभिन्न प्रकारका डरावना र भ्रमपूर्ण कुराहरू प्रस्तुत गरेर आदमका सन्तानलाई दुःखित पार्न चाहन्छ।

सत्य सपना सम्बन्धी उल्लिखित तीन मुख्य बुँदाहरू यस्ता छन्: १- यसको लागि अल्लाहको प्रशंसा गर्नुपर्छ। 2- यसलाई राम्रो संकेतका रूपमा लिनुपर्छ। 3- यसको बारेमा केवल ती व्यक्तिहरूसँग कुरा गर्नुपर्छ जसले उसलाई माया गर्छन, घृणा गर्नेहरूसँग होइन।

अप्रिय सपना सम्बन्धी पालना गर्नुपर्ने पाँचवटा कुराहरू यस्ता छन्: १- त्यसका दुष्प्रभाव बाट बच्न अल्लाहको शरण लिनुपर्छ। 2- शैतानको दुष्टताबाट बच्न अल्लाहको शरण लिनुपर्छ। 3- निद्राबाट ब्युँझेपछि बायाँतर्फ तीन पटक थुक्नुपर्छ। ४- त्यस सपनाबारे कसैलाई पनि बताउनुपर्दैन। 5- यदि ऊ फेरि सुत्न चाहन्छ भने, उसले आफ्नो सुतिरहेको पोजिसन परिवर्तन गर्नुपर्छ , किनभने यसरी गरेमा सपनाले कुनै पनि हानि पुर्‍याउने छैन।