فوائد الحديث

ابن حجر ویلي: په جومات کې د جماعت سره لمونځ په کور او یا بازار کې په جماعت او یا انفرادي توګه لمانځه (په ثواب) کې زیاتوالی لري، ابن دقیق العید ویلي دي.

پدې (حدیث کې) د سهار د لمانځه فضیلت دی؛ ځکه چې ملایکې پکې راټولیږي.

ابن باز ویلي:

مؤمن ته ښایي چې د دې لوی خېر د ترلاسه کولو لپاره په جماعت سره په لمانځه کولو ټینګار وکړي که څه هم یې کور لرې وي.

نووي د روايتونو د جمع کولو په اړه ویلي چې د جماعت لمونځ د انفرادي لمانځه څخه پنځه ويشت درجې غوره دی، او بل يې اووه ويشت درجې: نو د دې روایتونو د جمعې لپاره درې وجوهات دي: لومړی: دا چې هېڅ تضاد نشته، ځکه د کوچني (عدد) یادونه لوی عدد نه ردوي او د اصولیینو په نظر د شمېر مفهوم باطل دی. دویم: دا چې هغه لومړی د لږ عدد په اړه خبر ورکړ، بیا الله تعالی هغه ته د زیات ثواب په اړه خبر ورکړ، نو هغه یې په اړه (امت ته) خبر ورکړ. دریم: دا د عبادت کوونکو او لمونځ کوونکو حالاتو او لمانځه ته په لېدو توپير لري، نو د ځینو لپاره پنځه ویشت درجې دی، او د نورو لپاره اووه ويشت درجې، د لمانځه کمال، هیئت، خشوع، د جماعت لوی والی، د جماعت کوونکو او ځای فضیلت او داسې نورو ته په لېدو توپیر لري. و الله اعلم.