إعدادات العرض
“Assesi asnjëri prej jush të mos vdesë pa pasur mendim të mirë për Allahun.”
“Assesi asnjëri prej jush të mos vdesë pa pasur mendim të mirë për Allahun.”
Xhabiri (Allahu qoftë i kënaqur me të!) tregon se e ka dëgjuar të Dërguarin e Allahut ﷺ tri ditë para se të vdiste duke thënë: “Assesi asnjëri prej jush të mos vdesë pa pasur mendim të mirë për Allahun.”
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî Kiswahili Português தமிழ் Nederlands অসমীয়া ગુજરાતી پښتو മലയാളം नेपाली ქართული Magyar తెలుగు Македонски Svenska Moore Română Українська ไทย मराठी ਪੰਜਾਬੀ دری አማርኛ Wolof ភាសាខ្មែរ ಕನ್ನಡ Yorùbá Српски Malagasy Kinyarwandaالشرح
Profeti ﷺ në këtë hadith i inkurajon muslimanët që të mos vdesin ndryshe, veçse duke pasur mendim të mirë ndaj Allahut, duke bërë që shpresa në mëshirën dhe faljen e Tij të mbizotërojë në momentet e fundit të jetës. Kjo, sepse frika është e nevojshme për përmirësimin e veprave, por momenti i vdekjes nuk është kohë për kryerjen e veprave. Prandaj, në këtë gjendje kërkohet që shpresa të mbizotërojë.فوائد الحديث
Përkushtimi i fortë i Profetit ﷺ për udhëzimin e umetit të tij dhe dhembshuria e tij e thellë ndaj tyre në çdo gjendje; madje edhe në sëmundjen e tij të fundit, ai vazhdonte ta këshillonte umetin dhe ta udhëzonte drejt shkaqeve të shpëtimit.
Tibiu ka thënë: "Kryeni vepra të mira tani, që të keni mendim të mirë ndaj Allahut në momentin e vdekjes, sepse ata që kanë vepra të këqija, kanë mendim të keq daj Allahut në çastin e vdekjes."
Gjendja më e përsosur e robërve është të kenë një ekuilibër mes shpresës dhe frikës, ndërsa dashuria të mbizotërojë, sepse dashuria është si mjeti transportus (që e bart njeriun), shpresa është ajo që e udhëheqë, ndërsa frika është shtytësi. E Allahu është Ai që e çon njeriun në destinacionin e tij, përmes mirësisë dhe bujarisë së Tij.
Kushdo që është pranë një personi në gjendje vdekjeje, duhet ta ndihmojë atë të ketë shpresë dhe mendim të mirë ndaj Allahut, siç thotë ky hadith se Profeti ﷺ e tha këtë tri ditë para se të vdiste.
التصنيفات
Veprat e zemrës