إعدادات العرض
አዋጅ! ዱንያ የተረገመች ናት። አላህን ማውሳት፣ አላህን ከማውሳት ጋር የተቆራኘ፣ ዐዋቂ (ዐሊም) ወይም ዕውቀት ፈላጊ ካልሆነ በቀር በዱንያ ውስጥ ያለውም የተረገመ ነው።
አዋጅ! ዱንያ የተረገመች ናት። አላህን ማውሳት፣ አላህን ከማውሳት ጋር የተቆራኘ፣ ዐዋቂ (ዐሊም) ወይም ዕውቀት ፈላጊ ካልሆነ በቀር በዱንያ ውስጥ ያለውም የተረገመ ነው።
ከአቡ ሁረይራ ረዲየሏሁ ዐንሁ - አላህ መልካም ሥራቸውን ይውደድላቸውና - እንደተላለፈው: «የአላህ መልዕክተኛ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- እንዲህ ሲሉ ሰምቻለሁ ብለዋል፦ "አዋጅ! ዱንያ የተረገመች ናት። አላህን ማውሳት፣ አላህን ከማውሳት ጋር የተቆራኘ፣ ዐዋቂ (ዐሊም) ወይም ዕውቀት ፈላጊ ካልሆነ በቀር በዱንያ ውስጥ ያለውም የተረገመ ነው።"
[ሐሰን ነው።] [ቲርሚዚና ኢብኑማጀህ ዘግበውታል።]
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî தமிழ் Nederlands Kiswahili অসমীয়া ગુજરાતી Magyar ქართული Română ไทย Português मराठी ភាសាខ្មែរ دریالشرح
ነቢዩ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- አላህን ማውሳት፣ አላህን ወደ ማውሳት የቀረበና የተቆራኘ ወይም የሸሪዓን ዕውቀት ለሰዎች የሚያስተምር አዋቂ ወይም የሸሪዓን እውቀት የሚማር ካልሆነ በቀር ዱንያና በውስጧ ያሉ ነገሮች ባጠቃላይ ከአላህ የሚያጠምዱና የሚያርቁ ስለሆኑ በአላህ የተጠሉ፣ የተወገዙ፣ የተተዉና ከአላህ የራቁ እንደሆኑ ተናገሩ።فوائد الحديث
ዱንያን በጥቅሉ ከመርገም የሚከለክሉ ሐዲሦች ስለመጡ አጠቃልሎ መርገም አይፈቀድም። ነገር ግን ዱንያ ውስጥ ከአላህ የሚያርቅና እርሱን ከመገዛት የሚያጠምድ ነገርን ነጥሎ መርገም ይፈቀዳል።
አላህን ከማውሳት ወይም አላህን ለማውሳት ምክንያትና አጋዥ ከሆኑ ነገሮች ውጪ ዱንያ ውስጥ ያሉ ነገሮች ሁሉ ጨዋታና ዛዛታ ናቸው።
የእውቀት፣ የእውቀት ባለቤቶችና የእውቀት ፈላጊዎች ደረጃ መገለፁን ተመልክተናል።
ኢብኑ ተይሚያህ እንዲህ ብለዋል: "ከዱንያ የሚወገዘው ያለአግባብ የተገኘ ሐራም ገንዘብ ወይም ሐላል ከሆነም ለማብዛትና ለመፎከር ተብሎ የተሰበሰበ፤ ለመፎካከርና ለመወዳደር ታስቦ የሚከማችን ገንዘብ ነው። ይህም የአይምሮ ባለቤቶች ዘንድ የተጠላ ገንዘብ ነው።"
التصنيفات
ዱንያን ከመውደድ ማውገዝ