الشرح

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់បានបញ្ជូនលោកមក គឺដើម្បីបំពេញសុជីវធម៌ និងសីលធម៌ដ៏ល្អឥតខ្ចោះ។ ដោយណាពី ﷺ ត្រូវបានចាត់ទាំងមកដើម្បីបំពេញបន្ថែមលើអ្វីដែលរ៉សូលមុនៗបានផ្តើម និងបំពេញឲ្យពេញលេញនូវសីលធម៌ល្អៗរបស់ជនជាតិអារ៉ាប់។ ពួកគេស្រឡាញ់សេចក្តីល្អ និងស្អប់សេចក្តីអាក្រក់ ហើយជាអ្នកមានចរិតថ្លៃថ្នូរ សប្បុរស និងភាពក្លាហាន។ ដូចនេះ ណាពី ﷺ ត្រូវបានគេបញ្ជូនមកដើម្បីបំពេញចន្លោះខ្វះខាតនៃសីលធម៌របស់ពួកគេ ដូចជាការអួតអាងពីពូជពង្ស ភាពក្រអឺតក្រទម មើលងាយអ្នកក្រីក្រ និងប្រការផ្សេងៗទៀត។