إعدادات العرض
B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã
B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã
Yii a Safwaan ɭbn Muhriz nengẽ a yeelame: ned n yeel a ɭbn Ʋmar (Wẽnd yard be b yiibã yĩnga) fo wʋma Wẽnd Tẽn-tʋʋmã (Wẽnd pʋʋsg la A tɩlgr be a yinga) walengã pʋgẽ t'a yet tɩ wãnã? La a yeel yã: m wʋm-a lame t'a yetẽ: «B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã, sẽn na yɩl tɩ ned baa a yembr ka bãng a bãongã ye, t'A yεεl-a, rẽ yĩnga fo mii zũnuub-kãngã la zũnuub-kãngã? A togsd-a-la zũnuub-rãmb nins sẽn rag n zĩnd yẽ la a Soabã sʋka, tɩ yambã yeele: n-yee! M Soab A Wẽnde, halɩ tɩ sɩd-kõtã pεleng sã n wa yɩk t'a yεεse, la A sẽn yet-a (A Naam yɩlg yã) ad Mam maan-a-la sʋtr fo zug dũni la M na n yaaf-a lame n bas-f rũnda. Tɩ b kõ-a a tʋʋm sõmsã sebre. La sã n yaa kɩfr la munaafɩka, b boond-a lame zamã wã sʋka, yaa bãmbã la sẽn yags n roglg b Soabã».
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Tiếng Việt Hausa Kurdî Kiswahili Português සිංහල Русский Nederlands অসমীয়া ગુજરાતી پښتو ไทย മലയാളം नेपाली Magyar ქართული తెలుగు Shqip Македонски Svenska Wolofالشرح
Nabiyaamã (Wẽnd pʋʋsg la A tɩlgr be a yĩngɑ) kõo kibar Wẽnd sẽn na n yẽs ne A yamb sẽn yaa sɩd-kõt dũni yikr raarã, n yeel-a: B na n pẽnega muumin ne a Soabã dũni yikr raarã, t'a Soabã maan-a sʋtr a zugu n yi zãmã wã, sẽn na yɩl tɩ ned baa a yemb ka bãng a bãongã ye, t'A yεεl-a: Rẽ yĩnga fo mii zũnuub-kãngã la zũnuub-kãngã? ...A togsd-a-la zũnuub-rãmb nins sẽn zĩnd yambã la a Soabã sʋka. Tɩ yamba yeele: n-yee, m Soaba. Halɩ tɩ muuminã sã n wa yεεse, la A sẽn yet-a (A Naam yɩlg yã) ad mam maan-a-la sʋtr fo zug dũni la M na n yaaf-a lame n bas-f rũnda, tɩ b kõ-a a tʋʋm sõmsã sebre. La sã n yaa kɩfr la munaafɩka, b boond-a lame zamã wã sʋka (n yeele): yaa bãmba la sẽn yags b Soabã, rẽ yĩnga kãab-beed ka be ne wẽgdbã.فوائد الحديث
Wilgda Wẽnd yɩɩdlemã la A yolsgã ne sɩd-kõtbã, A sẽn maan-b sʋtr (lud-b) dũni wã la laahrã.
Yaa pirsg tɩ b maan muumin sʋtra pãng tõog tεka.
Yembsã tʋʋmã gilli, bõn-naandsã Soabã tigim-b lame, rẽnd ned ning sẽn wa n mik tɩ yaa sõma, bɩ a pẽg Wẽnde, la sẽn mika tɩ ka rẽ, bɩ a ra sãbs ned baa a yembr sã n ka a menga, la a bee Wẽnd tʋlsmã tẽngre.
A ɭbn Hagar yeelame (Wẽnd na yols-a): Hadiis-rãmbã sẽn lagem taabã wilgdame tɩ sɩd-kõtbã sẽn yaa Wẽnd kɩɩsdbã dũni yikr raarã b yaa kõbg a yiibu: Rẽenemã: yaa ned ning kɩɩsgã sẽn yaa yẽ la a Soabã sʋka, rẽnd a ɭbn Ʋmar hadiisã wilgdame tɩ buk-kãngã me yaa busg a yiibu, buk n be tɩ yẽnd Wẽnd kɩɩsgã b maan-a-la sʋtr dũni, yãwã soabã la Wẽnd sẽn maand a soab sʋtr dũni yikr raarã, yẽnda yaa hadiisã gom-biisã n wilgdi. La buk a to n be tɩ yẽnda Wẽnd kɩɩsgã yaa sẽn vẽnege, tɩ hadiisã fasengã wilgd tɩ yẽ soabã yõsga ne sẽn loogã. La buk a yiib soabã: yaa ned ning Wẽnd kɩɩsg sẽn yaa yẽ la yembsã sʋka, bãmb me yaa kõbg a yiibu, rẽenem bukã: bãmb tʋʋm beedã wila b tʋʋm sõmsã bãmb kẽeda Bugmẽ rẽ poorẽ tɩ b yiis-b n sugsi, la buk a to wã (yiib soabã): bãmb tʋʋm sõmã wã la b tʋʋm wẽnsã zemsa taaba, bãmb ka na n kẽ arzãnã halɩ tɩ b wa maan n rol taaba.
التصنيفات
Belief in the Last Day